یوں نہ کوئی تری محفل میں پریشاں ہو جائے
یوں نہ کوئی تری محفل میں پریشاں ہو جائے جیسے آواز صبا دشت میں حیراں ہو جائے منتظر ہیں مری آہٹ کی بلائیں کتنی ایک مشکل تو نہیں ہے کہ جو آساں ہو جائے چاک دامن ہی زمانے سے نہیں ہوتا رفو اور اگر سینہ کبھی چاک گریباں ہو جائے پیچ در پیچ ہے یوں سلسلۂ زلف حیات ہاتھ لگتے ہی جو کچھ اور بھی پیچاں ہو جائے داغ دل جلنے لگے بجھ گئی ہر شمع طرب یوں ہے تو یوں ہی سہی گھر میں چراغاں ہو جائے مجھ پہ قدغن ہے کہ میں بزم میں خاموش رہوں اور خموشی ہی جو رسوائی کا ساماں ہو جائے نشتر شوق کے ہاتھوں گل صد برگ ہے دل خوب ہو اب جو یہ نذر دم طوفاں ہو جائے کیوں نہ پھر جلنے لگیں رشک سے ویرانہ و دشت شہر جب دل کی نگاہوں میں بیاباں ہو جائے دل کو سودا ہے رہے رنگ شفق پیش نظر غم کو اک طور تو بہلانے کا ساماں ہو جائے روشنی شام کی سن پائے نہ آوازۂ شب مہر زرتاب کا آفاق سے پیماں ہو جائے بات اس آنکھ میں پوشیدہ ہے وہ عرشؔ کہ جو لب سے نکلے تو مرے سینے پہ پیکاں ہو جائے
English rendering
Yooñ na koi teri mahfil meiñ pareshan ho jaaye Jaise aawaz-e-saba dasht meiñ hairaan ho jaaye Muntazir haiñ meri aahat ki balayeñ kitni Ek mushkil to nahiñ hai ke jo aasañ ho jaaye Chaak-e-daman hi zamanay se nahiñ hota rafu Aur agar seena kabhi chaak-e-gareban ho jaaye Pech dar pech hai yooñ silsila-e-zulf-e-hayat Haath lagte hi jo kuch aur bhi pechañ ho jaaye Dagh-e-dil jalne lage bujh gai har sham-e-tarab Yooñ hai to yooñ hi sahi ghar meiñ charaghañ ho jaaye Mujh pe qadghan hai ke maiñ bazm meiñ khamosh rahuñ Aur khamoshi hi jo ruswai ka samañ ho jaaye Nishtar-e-shauq ke hathoñ gul-e-sad-barg hai dil Khoob ho ab jo yeh nazr-e-dam-e-toofan ho jaaye Kyoñ na phir jalne lageñ rashk se veerana o dasht Shahr jab dil ki nigahoñ meiñ biyaban ho jaaye Dil ko sauda hai rahe rang-e-shafaq pesh-e-nazar Gham ko ik taur to bahlanay ka samañ ho jaaye Roshni shaam ki sun paaye na aawaza-e-shab Mehr-e-zartab ka afaaq se paimañ ho jaaye Baat us aankh meiñ poshida hai woh Arsh! ke jo Lab se nikle to mere seene pe paikañ ho jaaye