آتا ہے تیغ ہاتھ میں وہ جنگجو لیے
آتا ہے تیغ ہاتھ میں وہ جنگجو لیے جاتا ہوں میں بھی سر کے تئیں روبرو لیے گلزار یک بہ یک جو مہکنے لگا ہے یوں سچ کہہ صبا تو پھرتی ہے یاں کس کی بو لیے سوئے کبھی نہ ساتھ ہمارے خوشی سے تم جاویں گے گور میں یہی ہم آرزو لیے دیتا نہیں ہے چین الٰہی میں کیا کروں پھرتا ہوں رات دن دل بے تاب کو لیے آصفؔ نہ چھوڑ دست سخاوت کو زینہار لایا ہے کچھ نہ ساتھ نہ جاوے گا تو لیے
English rendering
Aata hai tegh haath mein woh jangju liye Jata hoon main bhi sar ke taeen rubaru liye Gulzar yak ba yak jo mehakne laga hai yoon Sach kah saba to phirti hai yaan kis ki bu liye Soye kabhi na saath hamare khushi se tum Jaawen ge gor mein yehi hum aarzu liye Deta nahin hai chain Ilahi main kya karoon Phirta hoon raat din dil-e-betaab ko liye Asif na chhor dast-e-sakhawat ko zinhar Laya hai kuch na saath na jawe ga to liye