جب سے میرے دل میں آ کر عشق کا تھانا ہوا
جب سے میرے دل میں آ کر عشق کا تھانا ہوا ہوش و صبر و عقل و دیں کیا سب سے بیگانہ ہوا دل ہمارا خانۂ اللہ گر مشہور تھا سو بتوں کے عشق میں اب یہ بھی بت خانہ ہوا قصۂ فرہاد و مجنوں رات دن پڑھتے تھے ہم سو تو وہ ماضی پڑا اب اپنا افسانہ ہوا رات دن یہ سوچ رہتا ہے مرے دل کے تئیں اے خدا یاں سے وہ جا کر کس کا ہم کھانا ہوا کیا حقیقت پوچھتا ہے میری تنہائی کی تو جب کہ میرے پاس سے پیارے ترا جانا ہوا بھوک پیاس اور نیند سب جاتی رہی اے جان من بلکہ ان لوگوں میں میں مشہور دیوانا ہوا شیخ جی آیا نہ وعدے پر تو اب آصفؔ کا یار تم تو خوش ہو گے تمہارا ہی جو فرمانا ہوا
English rendering
Jab se mere dil mein aa kar ishq ka thaana hua Hosh-o-sabr-o-aql-o-deen kya sab se begana hua Dil hamara khana-e-Allah gar mashhoor tha So buton ke ishq mein ab yeh bhi but khana hua Qisse Farhad-o-Majnoon raat din parhte the hum So to woh maazi para ab apna afsana hua Raat din yeh soch rehta hai mere dil ke taeen Ae Khuda yaan se woh ja kar kis ka hum khana hua Kya haqeeqat poochhta hai meri tanhaai ki to Jab ke mere paas se pyare tera jana hua Bhook pyaas aur neend sab jati rahi ae jaan-e-man Balke un logon mein main mashhoor deewana hua Sheikh ji aaya na waade par to ab Asif ka yaar Tum to khush ho ge tumhara hi jo farmana hua