ملنے کو تجھ سے دل تو مرا بے قرار ہے
ملنے کو تجھ سے دل تو مرا بے قرار ہے تو آ کے مل نہ مل یہ ترا اختیار ہے جس جس کے پاس دوستو جس جس کا یار ہے بہتر چمن سے گھر میں اسی کے بہار ہے تم زخم دل کی میرے خبر پوچھتے ہو کیا تیر نگاہ دل کے تو اب وار پار ہے گر دشمنی پہ دوست نے باندھی مرے کمر دشمن ہے اب جو کوئی مرا دوست دار ہے لگتی نہیں پلک سے مری اب ذرا پلک آنے کا اس کے جب سے مجھے انتظار ہے اے شہسوار اس کو بھی کر لے تو اب شکار یہ صید دل بھی عمر سے امیدوار ہے یہ کچھ تو حال تیرے دوانے کا اب ہوا جیدھر کو جاوے آہ اسے مار مار ہے اے گل تجھے عزیز ہوں رکھتا میں اس لیے یعنی کہ تجھ میں ایک رمق بوئے یار ہے یہ کس کے دل کو چھین کے کرتے ہیں پائمال ان ظالموں کا آہ یہی کاروبار ہے آصفؔ خدا کے واسطے مت دے بتوں کو دل یہ وہ ہیں جن کے قول کا کیا اعتبار ہے
English rendering
Milne ko tujh se dil to mira be qarar hai Tu aa ke mil nah mil yeh tira ikhtiyar hai Jis jis ke paas dosto jis jis ka yaar hai Behtar chaman se ghar mein usi ke bahar hai Tum zakhm dil ki mere khabar poochhte ho kya Teer nigah dil ke to ab waar paar hai Gar dushmani pe dost ne bandhi mire kamar Dushman hai ab jo koi mira dost dar hai Lagti nahin palak se miri ab zara palak Aane ka us ke jab se mujhe intizar hai Ae shahsawar us ko bhi kar le tu ab shikar Yeh said dil bhi umr se umeedwar hai Yeh kuchh to haal tere deewane ka ab hua Jidhar ko jawe aah use maar maar hai Ae gul tujhe aziz hoon rakhta main is liye Yani keh tujh mein ek ramak boo-e-yaar hai Yeh kis ke dil ko chheen ke karte hain paemal In zalimon ka aah yehi karobar hai Asif Khuda ke waste mat de buton ko dil Yeh woh hain jin ke qaul ka kya aitbar hai