پوچھتے کیا ہو مرے تم دل دیوانے سے
پوچھتے کیا ہو مرے تم دل دیوانے سے عشق کے رمز کو پوچھو کسی فرزانے سے جی نکل جاوے گا ظالم مرا اب جانے سے یاں نہ آنا ہی بھلا تھا ترے اس آنے سے روز کے دکھ سے چھٹا رات کے جلنے سے رہا دوستی شمع نے کی دوستو پروانے سے دل بجا لاوے گا جو کچھ اسے کیجے ارشاد یہ تو باہر نہیں کچھ آپ کے فرمانے سے یوں یکایک جو ہوئے اس کے جگر کے ٹکڑے نہیں معلوم کہا زلف نے کیا شانے سے ضبط لازم ہے جب ہی تک کہ نہ ہو آنکھ میں اشک اب تو بھر آیا ہے دل اشک کے بھر آنے سے رو لے دل کھول کے تو اس گھڑی آصفؔ اپنا نہیں گھٹ جاوے گا دم اشک کے پی جانے سے
English rendering
Poochhte kya ho mire tum dil deewane se Ishq ke ramz ko poochho kisi farzane se Ji nikal jawe ga zalim mira ab jaane se Yaan nah aana hi bhala tha tire is aane se Roz ke dukh se chhuta raat ke jalne se raha Dosti shama ne ki dosto parwane se Dil baja lawe ga jo kuchh use kijiye irshad Yeh to bahar nahin kuchh aap ke farmane se Yoon yakayak jo hue us ke jigar ke tukre Nahin maloom kaha zulf ne kya shane se Zabt lazim hai jab hi tak keh nah ho aankh mein ashk Ab to bhar aaya hai dil ashk ke bhar aane se Ro le dil khol ke tu is ghari Asif apna Nahin ghat jawe ga dam ashk ke pi jaane se