آپ کا اعتبار کون کرے
آپ کا اعتبار کون کرے روز کا انتظار کون کرے ذکر مہر و وفا تو ہم کرتے پر تمہیں شرمسار کون کرے ہو جو اس چشم مست سے بے خود پھر اسے ہوشیار کون کرے تم تو ہو جان اک زمانے کی جان تم پر نثار کون کرے آفت روزگار جب تم ہو شکوۂ روزگار کون کرے اپنی تسبیح رہنے دے زاہد دانہ دانہ شمار کون کرے ہجر میں زہر کھا کے مر جاؤں موت کا انتظار کون کرے آنکھ ہے ترک زلف ہے صیاد دیکھیں دل کا شکار کون کرے وعدہ کرتے نہیں یہ کہتے ہیں تجھ کو امیدوار کون کرے داغؔ کی شکل دیکھ کر بولے ایسی صورت کو پیار کون کرے
English rendering
Aap ka e'tibār kaun kare Roz ka intezār kaun kare Zikr-e-mehr o wafā to hum karte Par tumheñ sharmsār kaun kare Ho jo us chashm-e-mast se be-khud Phir use hushiyār kaun kare Tum to ho jaan ik zamāne ki Jaan tum par niṣār kaun kare Āfat-e-rozgār jab tum ho Shikwa-e-rozgār kaun kare Apni tasbīh rahne de zāhid Dāna dāna shumār kaun kare Hijr mein zehar khā ke mar jā'ūñ Maut ka intezār kaun kare Aankh hai turk zulf hai sayyād Dekheñ dil ka shikār kaun kare Wa'da karte nahin ye kehte hain Tujh ko umīdwar kaun kare Dāgh ki shakl dekh kar bole Aisi ṣoorat ko pyār kaun kare