وہ زمانہ نظر نہیں آتا
وہ زمانہ نظر نہیں آتا کچھ ٹھکانا نظر نہیں آتا جان جاتی دکھائی دیتی ہے ان کا آنا نظر نہیں آتا عشق در پردہ پھونکتا ہے آگ یہ جلانا نظر نہیں آتا اک زمانہ مری نظر میں رہا اک زمانہ نظر نہیں آتا دل نے اس بزم میں بٹھا تو دیا اٹھ کے جانا نظر نہیں آتا رہیے مشتاق جلوۂ دیدار ہم نے مانا نظر نہیں آتا لے چلو مجھ کو راہروان عدم یاں ٹھکانا نظر نہیں آتا دل پہ بیٹھا کہاں سے تیر نگاہ یہ نشانہ نظر نہیں آتا تم ملاؤ گے خاک میں ہم کو دل ملانا نظر نہیں آتا آپ ہی دیکھتے ہیں ہم کو تو دل کا آنا نظر نہیں آتا دل پر آرزو لٹا اے داغؔ وہ خزانہ نظر نہیں آتا
English rendering
Woh zamana nazar nahin aata Kuch thikana nazar nahin aata Jaan jaati dikhai deti hai Unka aana nazar nahin aata Ishq dar-parda phoonkta hai aag Yeh jalana nazar nahin aata Ek zamana meri nazar mein raha Ek zamana nazar nahin aata Dil ne us bazm mein bitha to diya Uth ke jaana nazar nahin aata Rahiye mushtaq-e-jalwa-e-deedar Hum ne mana nazar nahin aata Le chalo mujh ko rahrawan-e-adam Yan thikana nazar nahin aata Dil pe baitha kahan se teer-e-nigah Yeh nishana nazar nahin aata Tum milao ge khaak mein hum ko Dil milana nazar nahin aata Aap hi dekhte hain hum ko to Dil ka aana nazar nahin aata Dil par aarzoo luta ae Dagh Woh khazana nazar nahin aata