عذر ان کی زبان سے نکلا
عذر ان کی زبان سے نکلا تیر گویا کمان سے نکلا وہ چھلاوا اس آن سے نکلا الاماں ہر زبان سے نکلا خار حسرت بیان سے نکلا دل کا کانٹا زبان سے نکلا فتنہ گر کیا مکان سے نکلا آسماں آسمان سے نکلا آ گیا غش نگاہ دیکھتے ہی مدعا کب زبان سے نکلا کھا گئے تھے وفا کا دھوکا ہم جھوٹ سچ امتحان سے نکلا دل میں رہنے نہ دوں ترا شکوہ دل میں آیا زبان سے نکلا وہم آتے ہیں دیکھیے کیا ہو وہ اکیلا مکان سے نکلا تم برستے رہے سر محفل کچھ بھی میری زبان سے نکلا سچ تو یہ ہے معاملہ دل کا باہر اپنے گمان سے نکلا اس کو آیت حدیث کیا سمجھیں جو تمہاری زبان سے نکلا پڑ گیا جو زباں سے تیری حرف پھر نہ اپنے مکان سے نکلا دیکھ کر روئے یار صل علیٰ بے تحاشا زبان سے نکلا لو قیامت اب آئی وہ کافر بن بنا کر مکان سے نکلا مر گئے ہم مگر ترا ارمان دل سے نکلا نہ جان سے نکلا رہرو راہ عشق تھے لاکھوں آگے میں کاروان سے نکلا سمجھو پتھر کی تم لکیر اسے جو ہماری زبان سے نکلا بزم سے تم کو لے کے جائیں گے کام کب پھول پان سے نکلا کیا مروت ہے ناوک دل دوز پہلے ہرگز نہ جان سے نکلا تیرے دیوانوں کا بھی لشکر آج کس تجمل سے شان سے نکلا مڑ کے دیکھا تو میں نے کب دیکھا دور جب پاسبان سے نکلا وہ ہلے لب تمہارے وعدے پر وہ تمہاری زبان سے نکلا اس کی بانکی ادا نے جب مارا دم مرا آن تان سے نکلا میرے آنسو کی اس نے کی تعریف خوب موتی یہ کان سے نکلا ہم کھڑے تم سے باتیں کرتے تھے غیر کیوں درمیان سے نکلا ذکر اہل وفا کا جب آیا داغؔ ان کی زبان سے نکلا
English rendering
Uzr unki zaban se nikla Teer goya kaman se nikla Woh chhalawa us aan se nikla Al-aman har zaban se nikla Khar-e-hasrat bayan se nikla Dil ka kanta zaban se nikla Fitna-gar kya makan se nikla Aasman aasman se nikla Aa gaya ghash nigah dekhte hi Muddaa kab zaban se nikla Kha gaye the wafa ka dhoka hum Jhoot sach imtihan se nikla Dil mein rehne na dun tera shikwa Dil mein aaya zaban se nikla Waham aate hain dekhiye kya ho Woh akela makan se nikla Tum baraste rahe sar-e-mehfil Kuchh bhi meri zaban se nikla Sach to yeh hai muamla dil ka Bahar apne guman se nikla Us ko ayat-e-hadees kya samjhein Jo tumhari zaban se nikla Pad gaya jo zaban se teri harf Phir na apne makan se nikla Dekh kar roye-yaar sall-e-ala Be-tahasha zaban se nikla Lo qayamat ab aayi woh kafir Ban bana kar makan se nikla Mar gaye hum magar tera armaan Dil se nikla na jaan se nikla Rahrav-e-rah-e-ishq the lakhon Aage main karwan se nikla Samjho patthar ki tum lakeer use Jo hamari zaban se nikla Bazm se tum ko le ke jayenge Kaam kab phool paan se nikla Kya murawwat hai nawak-e-dil-doz Pehle hargiz na jaan se nikla Tere deewanon ka bhi lashkar aaj Kis tajammul se shan se nikla Mud ke dekha to main ne kab dekha Door jab pasban se nikla Woh hile lab tumhare waade par Woh tumhari zaban se nikla Uski banki ada ne jab mara Dam mera aan-tan se nikla Mere aansu ki us ne ki tareef Khoob moti yeh kaan se nikla Hum khade tum se baatein karte the Ghair kyon darmiyan se nikla Zikr-e-ahl-e-wafa ka jab aaya Dagh unki zaban se nikla