تمہارے خط میں نیا اک سلام کس کا تھا
تمہارے خط میں نیا اک سلام کس کا تھا نہ تھا رقیب تو آخر وہ نام کس کا تھا وہ قتل کر کے مجھے ہر کسی سے پوچھتے ہیں یہ کام کس نے کیا ہے یہ کام کس کا تھا وفا کریں گے نباہیں گے بات مانیں گے تمہیں بھی یاد ہے کچھ یہ کلام کس کا تھا رہا نہ دل میں وہ بے درد اور درد رہا مقیم کون ہوا ہے مقام کس کا تھا نہ پوچھ گچھ تھی کسی کی وہاں نہ آؤ بھگت تمہاری بزم میں کل اہتمام کس کا تھا تمام بزم جسے سن کے رہ گئی مشتاق کہو وہ تذکرۂ ناتمام کس کا تھا ہمارے خط کے تو پرزے کئے پڑھا بھی نہیں سنا جو تو نے بہ دل وہ پیام کس کا تھا اٹھائی کیوں نہ قیامت عدو کے کوچے میں لحاظ آپ کو وقت خرام کس کا تھا گزر گیا وہ زمانہ کہوں تو کس سے کہوں خیال دل کو مرے صبح و شام کس کا تھا ہمیں تو حضرت واعظ کی ضد نے پلوائی یہاں ارادۂ شرب مدام کس کا تھا اگرچہ دیکھنے والے ترے ہزاروں تھے تباہ حال بہت زیر بام کس کا تھا وہ کون تھا کہ تمہیں جس نے بے وفا جانا خیال خام یہ سودائے خام کس کا تھا انہیں صفات سے ہوتا ہے آدمی مشہور جو لطف عام وہ کرتے یہ نام کس کا تھا ہر اک سے کہتے ہیں کیا داغؔ بے وفا نکلا یہ پوچھے ان سے کوئی وہ غلام کس کا تھا
English rendering
Tumhare khat mein naya ek salam kis ka tha Na tha raqeeb to akhir woh naam kis ka tha Woh qatl kar ke mujhe har kisi se poochhte hain Yeh kaam kis ne kiya hai yeh kaam kis ka tha Wafa karenge nibhaenge baat manenge Tumhein bhi yaad hai kuch yeh kalam kis ka tha Raha na dil mein woh be-dard aur dard raha Muqeem kaun hua hai maqam kis ka tha Na pooch-guchh thi kisi ki wahan na aao bhagat Tumhari bazm mein kal ehtimam kis ka tha Tamam bazm jise sun ke reh gayi mushtaq Kaho woh tazkira na-tamam kis ka tha Hamare khat ke to purze kiye padha bhi nahin Suna jo tu ne ba-dil woh payam kis ka tha Uthai kyon na qayamat adu ke kuche mein Lihaz aap ko waqt-e-khiram kis ka tha Guzar gaya woh zamana kahun to kis se kahun Khayal-e-dil ko mere subh-o-sham kis ka tha Hamein to Hazrat Waiz ki zid ne pilwai Yahan irada-e-sharab-e-mudam kis ka tha Agarche dekhne wale tere hazaron the Tabah-haal bahut zer-e-baam kis ka tha Woh kaun tha ke tumhein jis ne bewafa jaana Khayal-e-kham yeh sauda-e-kham kis ka tha Inhein sifat se hota hai aadmi mashhoor Jo lutf-e-aam woh karte yeh naam kis ka tha Har ek se kehte hain kya Dagh bewafa nikla Yeh poochhe un se koi woh ghulam kis ka tha