یہ بات بات میں کیا نازکی نکلتی ہے
یہ بات بات میں کیا نازکی نکلتی ہے دبی دبی ترے لب سے ہنسی نکلتی ہے ٹھہر ٹھہر کے جلا دل کو ایک بار نہ پھونک کہ اس میں بوئے محبت ابھی نکلتی ہے بجائے شکوہ بھی دیتا ہوں میں دعا اس کو مری زباں سے کروں کیا یہی نکلتی ہے خوشی میں ہم نے یہ شوخی کبھی نہیں دیکھی دم عتاب جو رنگت تری نکلتی ہے ہزار بار جو مانگا کرو تو کیا حاصل دعا وہی ہے جو دل سے کبھی نکلتی ہے ادا سے تیری مگر کھنچ رہیں ہیں تلواریں نگہ نگہ سے چھری پر چھری نکلتی ہے محیط عشق میں ہے کیا امید و بیم مجھے کہ ڈوب ڈوب کے کشتی مری نکلتی ہے جھلک رہی ہے سر شاخ مژہ خون کی بوند شجر میں پہلے ثمر سے کلی نکلتی ہے شب فراق جو کھولے ہیں ہم نے زخم جگر یہ انتظار ہے کب چاندنی نکلتی ہے سمجھ تو لیجئے کہنے تو دیجئے مطلب بیاں سے پہلے ہی مجھ پر چھری نکلتی ہے یہ دل کی آگ ہے یا دل کے نور کا ہے ظہور نفس نفس میں مرے روشنی نکلتی ہے کہا جو میں نے کہ مر جاؤں گا تو کہتے ہیں ہمارے زائچے میں زندگی نکلتی ہے سمجھنے والے سمجھتے ہیں پیچ کی تقریر کہ کچھ نہ کچھ تری باتوں میں فی نکلتی ہے دم اخیر تصور ہے کس پری وش کا کہ میری روح بھی بن کر پری نکلتی ہے صنم کدے میں بھی ہے حسن اک خدائی کا کہ جو نکلتی ہے صورت پری نکلتی ہے مرے نکالے نہ نکلے گی آرزو میری جو تم نکالنا چاہو ابھی نکلتی ہے غم فراق میں ہو داغؔ اس قدر بیتاب ذرا سے رنج میں جاں آپ کی نکلتی ہے
English rendering
Yeh baat baat mein kya nazuki nikalti hai Dabi dabi tere lab se hansi nikalti hai Thehar thehar ke jala dil ko ek baar na phoonk Ke is mein boo-e-mohabbat abhi nikalti hai Bajaaye shikwa bhi deta hun main dua us ko Meri zaban se karun kya yahi nikalti hai Khushi mein hum ne yeh shokhi kabhi nahin dekhi Dam-e-itab jo rangat teri nikalti hai Hazar baar jo manga karo to kya hasil Dua wahi hai jo dil se kabhi nikalti hai Ada se teri magar kheench rahi hain talwarein Nigah nigah se chhuri par chhuri nikalti hai Muheet-e-ishq mein hai kya umeed-o-beem mujhe Ke doob doob ke kashti meri nikalti hai Jhalak rahi hai sar-e-shakh-e-mizhgan khoon ki boond Shajar mein pehle samar se kali nikalti hai Shab-e-firaq jo khole hain hum ne zakhm-e-jigar Yeh intezar hai kab chandni nikalti hai Samajh to leejiye kehne to deejiye matlab Bayan se pehle hi mujh par chhuri nikalti hai Yeh dil ki aag hai ya dil ke noor ka hai zahoor Nafas nafas mein mere roshni nikalti hai Kaha jo main ne ke mar jaunga to kehte hain Hamare zaiche mein zindagi nikalti hai Samajhne wale samajhte hain pech ki taqreer Ke kuch na kuch teri baton mein fai nikalti hai Dam-e-akheer tasavvur hai kis pari-wash ka Ke meri rooh bhi ban kar pari nikalti hai Sanam-kade mein bhi hai husn ek Khudai ka Ke jo nikalti hai surat pari nikalti hai Mere nikale na niklegi aarzoo meri Jo tum nikalna chaho abhi nikalti hai Gham-e-firaq mein ho Dagh is qadar betab Zara se ranj mein jaan aap ki nikalti hai