اچھی صورت پہ غضب ٹوٹ کے آنا دل کا
اچھی صورت پہ غضب ٹوٹ کے آنا دل کا یاد آتا ہے ہمیں ہائے زمانا دل کا تم بھی منہ چوم لو بے ساختہ پیار آ جائے میں سناؤں جو کبھی دل سے فسانا دل کا نگۂ یار نے کی خانہ خرابی ایسی نہ ٹھکانا ہے جگر کا نہ ٹھکانا دل کا پوری مہندی بھی لگانی نہیں آتی اب تک کیوں کر آیا تجھے غیروں سے لگانا دل کا غنچۂ گل کو وہ مٹھی میں لیے آتے تھے میں نے پوچھا تو کیا مجھ سے بہانا دل کا ان حسینوں کا لڑکپن ہی رہے یا اللہ ہوش آتا ہے تو آتا ہے ستانا دل کا دے خدا اور جگہ سینہ و پہلو کے سوا کہ برے وقت میں ہو جائے ٹھکانا دل کا میری آغوش سے کیا ہی وہ تڑپ کر نکلے ان کا جانا تھا الٰہی کہ یہ جانا دل کا نگہ شرم کو بے تاب کیا کام کیا رنگ لایا تری آنکھوں میں سمانا دل کا انگلیاں تار گریباں میں الجھ جاتی ہیں سخت دشوار ہے ہاتھوں سے دبانا دل کا حور کی شکل ہو تم نور کے پتلے ہو تم اور اس پر تمہیں آتا ہے جلانا دل کا چھوڑ کر اس کو تری بزم سے کیوں کر جاؤں اک جنازے کا اٹھانا ہے اٹھانا دل کا بے دلی کا جو کہا حال تو فرماتے ہیں کر لیا تو نے کہیں اور ٹھکانا دل کا بعد مدت کے یہ اے داغؔ سمجھ میں آیا وہی دانا ہے کہا جس نے نہ مانا دل کا
English rendering
Achhi surat pe ghazab toot ke aana dil ka Yaad aata hai hamein haae zamana dil ka Tum bhi munh choom lo be-sakhta pyar aa jaye Main sunaun jo kabhi dil se fasana dil ka Nigah-e-yar ne ki khana-kharabi aisi Na thikana hai jigar ka na thikana dil ka Puri mehndi bhi lagani nahin aati ab tak Kyun kar aaya tujhe ghairon se lagana dil ka Ghuncha-e-gul ko woh mutthi mein liye aate the Main ne poochha to kiya mujh se bahana dil ka In haseenon ka ladakpan hi rahe ya Allah Hosh aata hai to aata hai satana dil ka De khuda aur jagah seena-o-pehlu ke siwa Ki bure waqt mein ho jaye thikana dil ka Meri aaghosh se kya hi woh tadap kar nikle Un ka jana tha ilahi ki yeh jana dil ka Nigah-e-sharm ko be-tab kiya kaam kiya Rang laya teri aankhon mein samana dil ka Ungliyan tar-e-gireban mein ulajh jaati hain Sakht dushwar hai hathon se dabana dil ka Hoor ki shakl ho tum noor ke putle ho tum Aur is par tumhen aata hai jalana dil ka Chhod kar us ko teri bazm se kyun kar jaun Ek janaze ka uthana hai uthana dil ka Be-dili ka jo kaha haal to farmate hain Kar liya tu ne kahin aur thikana dil ka Baad muddat ke yeh aye 'Dagh' samajh mein aaya Wahi dana hai kaha jis ne na mana dil ka