دیکھ کر جوبن ترا کس کس کو حیرانی ہوئی
دیکھ کر جوبن ترا کس کس کو حیرانی ہوئی اس جوانی پر جوانی آپ دیوانی ہوئی پردے پردے میں محبت دشمن جانی ہوئی یہ خدا کی مار کیا اے شوق پنہانی ہوئی دل کا سودا کر کے ان سے کیا پشیمانی ہوئی قدر اس کی پھر کہاں جس شے کی ارزانی ہوئی میرے گھر اس شوخ کی دو دن سے مہمانی ہوئی بیکسی کی آج کل کیا خانہ ویرانی ہوئی ترک رسم و راہ پر افسوس ہے دونوں طرف ہم سے نادانی ہوئی یا تم سے نادانی ہوئی ابتدا سے انتہا تک حال ان سے کہہ تو دوں فکر یہ ہے اور جو کہہ کر پشیمانی ہوئی غم قیامت کا نہیں واعظ مجھے یہ فکر ہے دین کب باقی رہا دنیا اگر فانی ہوئی تم نہ شب کو آؤ گے یہ ہے یقیں آیا ہوا تم نہ مانو گے مری یہ بات ہے مانی ہوئی مجھ میں دم جب تک رہا مشکل میں تھے تیماردار میری آسانی سے سب یاروں کی آسانی ہوئی اس کو کیا کہتے ہیں اتنا ہی بڑھا شوق وصال جس قدر مشہور ان کی پاک دامانی ہوئی بزم سے اٹھنے کی غیرت بیٹھنے سے دل کو رشک دیکھ کر غیروں کا مجمع کیا پریشانی ہوئی دعویٰ تسخیر پر یہ اس پری وش نے کہا آپ کا دل کیا ہوا مہر سلیمانی ہوئی کھل گئیں زلفیں مگر اس شوخ مست ناز کی جھومتی باد صبا پھرتی ہے مستانی ہوئی میں سراپا سجدے کرتا اس کے در پر شوق سے سر سے پا تک کیوں نہ پیشانی ہی پیشانی ہوئی دل کی قلب ماہیت کا ہو اسے کیونکر یقیں کب ہوا مٹی ہوئی ہے آگ کب پانی ہوئی آتے ہی کہتے ہو اب گھر جائیں گے اچھی کہی یہ مثل پوری یہاں من مانی گھر جانی ہوئی عرصۂ محشر میں تجھ کو ڈھونڈ لاؤں تو سہی کوئی چھپ سکتی ہے جو صورت ہو پہچانی ہوئی دیکھ کر قاتل کا خالی ہاتھ بھی جی ڈر گیا اس کی چین آستیں بھی چین پیشانی ہوئی کھا کے دھوکا اس بت کمسن نے دامن میں لیے اشک افشانی بھی میری گوہر افشانی ہوئی بیکسی پر میری اپنی تیغ کی حسرت تو دیکھ چشم جوہر بھی بشکل چشم حیرانی ہوئی بیکسی پر داغؔ کی افسوس آتا ہے ہمیں کس جگہ کس وقت اس کی خانہ ویرانی ہوئی
English rendering
Dekh kar joban tera kis kis ko hairani hui Is jawani par jawani aap deewani hui Parde parde mein muhabbat dushman-e-jaani hui Yeh khuda ki maar kya aye shauq-e-pinhaani hui Dil ka sauda kar kar ke un se kya pashimani hui Qadr us ki phir kahan jis shai ki arzani hui Mere ghar us shokh ki do din se mehmaani hui Bekasi ki aaj kal kya khana-veerani hui Tark-e-rasm-o-rah par afsoos hai donon taraf Hum se nadani hui ya tum se nadani hui Ibteda se inteha tak haal un se keh to doon Fikr yeh hai aur jo keh kar pashimani hui Gham-e-qayamat ka nahin waiz mujhe yeh fikr hai Deen kab baqi raha duniya agar fani hui Tum na shab ko aao ge yeh hai yaqeen aaya hua Tum na mano ge meri yeh baat hai mani hui Mujh mein dam jab tak raha mushkil mein the timardar Meri aasani se sab yaron ki aasani hui Us ko kya kehte hain itna hi badha shauq-e-visal Jis qadar mashhoor un ki pak-damani hui Bazm se uthne ki ghairat baithne se dil ko rashk Dekh kar ghairon ka majma kya pareshani hui Daawa-e-taskheer par yeh us pari-wash ne kaha Aap ka dil kya hua mohr-e-sulaimani hui Khul gayin zulfain magar us shokh-e-mast-e-naz ki Jhoomti baad-e-saba phirti hai mastani hui Main sarapa sajde karta us ke dar par shauq se Sar se pa tak kyun na peshani hi peshani hui Dil ki qalb-e-mahiyat ka ho use kyun kar yaqeen Kab hua mitti hui hai aag kab pani hui Aate hi kehte ho ab ghar jayenge achhi kahi Yeh misl poori yahan man-mani ghar jaani hui Arsa-e-mahshar mein tujh ko dhoond laaun to sahi Koi chhup sakti hai jo surat ho pehchani hui Dekh kar qatil ka khali hath bhi jee dar gaya Us ki chain aasteenain bhi chain-e-peshani hui Kha ke dhoka us but-e-kam-sin ne daman mein liye Ashk-afshani bhi meri gauhar-afshani hui Bekasi par meri apni tegh ki hasrat to dekh Chashm-e-jauhar bhi ba-shakl-e-chashm-e-hairani hui Bekasi par 'Dagh' ki afsoos aata hai hamein Kis jagah kis waqt us ki khana-veerani hui