غم سے کہیں نجات ملے چین پائیں ہم
غم سے کہیں نجات ملے چین پائیں ہم دل خون میں نہائے تو گنگا نہائیں ہم جنت میں جائیں ہم کہ جہنم میں جائیں ہم مل جائے تو کہیں نہ کہیں تجھ کو پائیں ہم جوف فلک میں خاک بھی لذت نہیں رہی جی چاہتا ہے تیری جفائیں اٹھائیں ہم ڈر ہے نہ بھول جائے وہ سفاک روز حشر دنیا میں لکھتے جاتے ہیں اپنی خطائیں ہم ممکن ہے یہ کہ وعدے پر اپنے وہ آ بھی جائے مشکل یہ ہے کہ آپ میں اس وقت آئیں ہم ناراض ہو خدا تو کریں بندگی سے خوش معشوق روٹھ جائے تو کیونکر منائیں ہم سر دوستوں کا کاٹ کے رکھتے ہیں سامنے غیروں سے پوچھتے ہیں قسم کس کی کھائیں ہم کتنا ترا مزاج خوشامد پسند ہے کب تک کریں خدا کے لیے التجائیں ہم لالچ عبث ہے دل کا تمہیں وقت واپسیں یہ مال وہ نہیں کہ جسے چھوڑ جائیں ہم سونپا تمہیں خدا کو چلے ہم تو نا مراد کچھ پڑھ کے بخشنا جو کبھی یاد آئیں ہم سوز دروں سے اپنے شرر بن گئے ہیں اشک کیوں آہ سرد کو نہ پتنگے لگائیں ہم یہ جان تم نہ لو گے اگر آپ جائے گی اس بے وفا کی خیر کہاں تک منائیں ہم ہم سایے جاگتے رہے نالوں سے رات بھر سوئے ہوئے نصیب کو کیونکر جگائیں ہم جلوہ دکھا رہا ہے وہ آئینۂ جمال آتی ہے ہم کو شرم کہ کیا منہ دکھائیں ہم مانو کہا جفا نہ کرو تم وفا کے بعد ایسا نہ ہو کہ پھیر لیں الٹی دعائیں ہم دشمن سے ملتے جلتے ہیں خاطر سے دوستی کیا فائدہ جو دوست کو دشمن بنائیں ہم تو بھولنے کی چیز نہیں خوب یاد رکھ اے داغؔ کس طرح تجھے دل سے بھلائیں ہم
English rendering
Gham se kahin nijaat mile chain paayein hum Dil khoon mein nahaye toh Ganga nahayein hum Jannat mein jaayein hum ke jahannum mein jaayein hum Mil jaaye toh kahin na kahin tujh ko paayein hum Jauf-e-falak mein khaak bhi lazzat nahin rahi Jee chahta hai teri jafayein uthayein hum Dar hai na bhool jaaye woh saffak roz-e-hashr Duniya mein likhte jaate hain apni khataayein hum Mumkin hai yeh ke waade par apne woh aa bhi jaaye Mushkil yeh hai ke aap mein is waqt aayein hum Naraaz ho khuda toh karein bandagi se khush Maashuq rooth jaaye toh kyun kar manayein hum Sar doston ka kaat ke rakhte hain saamne Ghairon se poochhte hain qasam kis ki khaayein hum Kitna tera mizaaj khushamad-pasand hai Kab tak karein khuda ke liye iltijayein hum Laalach abas hai dil ka tumhein waqt-e-waapsi Yeh maal woh nahin ke jise chhod jaayein hum Saunpa tumhein khuda ko chale hum toh na-murad Kuchh padh ke bakhshna jo kabhi yaad aayein hum Soz-e-daroon se apne sharar ban gaye hain ashk Kyun aah-e-sard ko na patange lagayein hum Yeh jaan tum na loge agar aap jaaye gi Is bewafa ki khair kahan tak manayein hum Hum saaye jaagte rahe nalon se raat bhar Soye hue naseeb ko kyun kar jagayein hum Jalwa dikha raha hai woh aaina-e-jamal Aati hai hum ko sharm ke kya munh dikhayein hum Maano kaha jafa na karo tum wafa ke baad Aisa na ho ke pher lein ulti duayein hum Dushman se milte julte hain khatir se dosti Kya fayda jo dost ko dushman banayein hum Tu bhoolne ki cheez nahin khoob yaad rakh Ai Daagh kis tarah tujhe dil se bhulayein hum