غضب کیا ترے وعدے پہ اعتبار کیا
غضب کیا ترے وعدے پہ اعتبار کیا تمام رات قیامت کا انتظار کیا کسی طرح جو نہ اس بت نے اعتبار کیا مری وفا نے مجھے خوب شرمسار کیا ہنسا ہنسا کے شب وصل اشک بار کیا تسلیاں مجھے دے دے کے بے قرار کیا یہ کس نے جلوہ ہمارے سر مزار کیا کہ دل سے شور اٹھا ہائے بے قرار کیا سنا ہے تیغ کو قاتل نے آب دار کیا اگر یہ سچ ہے تو بے شبہ ہم پہ وار کیا نہ آئے راہ پہ وہ عجز بے شمار کیا شب وصال بھی میں نے تو انتظار کیا تجھے تو وعدۂ دیدار ہم سے کرنا تھا یہ کیا کیا کہ جہاں کو امیدوار کیا یہ دل کو تاب کہاں ہے کہ ہو مآل اندیش انہوں نے وعدہ کیا اس نے اعتبار کیا کہاں کا صبر کہ دم پر ہے بن گئی ظالم بہ تنگ آئے تو حال دل آشکار کیا تڑپ پھر اے دل ناداں کہ غیر کہتے ہیں اخیر کچھ نہ بنی صبر اختیار کیا ملے جو یار کی شوخی سے اس کی بے چینی تمام رات دل مضطرب کو پیار کیا بھلا بھلا کے جتایا ہے ان کو راز نہاں چھپا چھپا کے محبت کو آشکار کیا نہ اس کے دل سے مٹایا کہ صاف ہو جاتا صبا نے خاک پریشاں مرا غبار کیا ہم ایسے محو نظارہ نہ تھے جو ہوش آتا مگر تمہارے تغافل نے ہوشیار کیا ہمارے سینے میں جو رہ گئی تھی آتش ہجر شب وصال بھی اس کو نہ ہمکنار کیا رقیب و شیوۂ الفت خدا کی قدرت ہے وہ اور عشق بھلا تم نے اعتبار کیا زبان خار سے نکلی صدائے بسم اللہ جنوں کو جب سر شوریدہ پر سوار کیا تری نگہ کے تصور میں ہم نے اے قاتل لگا لگا کے گلے سے چھری کو پیار کیا غضب تھی کثرت محفل کہ میں نے دھوکہ میں ہزار بار رقیبوں کو ہمکنار کیا ہوا ہے کوئی مگر اس کا چاہنے والا کہ آسماں نے ترا شیوہ اختیار کیا نہ پوچھ دل کی حقیقت مگر یہ کہتے ہیں وہ بے قرار رہے جس نے بے قرار کیا جب ان کو طرز ستم آ گئے تو ہوش آیا برا ہو دل کا برے وقت ہشیار کیا فسانۂ شب غم ان کو اک کہانی تھی کچھ اعتبار کیا کچھ نہ اعتبار کیا اسیری دل آشفتہ رنگ لا کے رہی تمام طرۂ طرار تار تار کیا کچھ آ گئی داور محشر سے ہے امید مجھے کچھ آپ نے مرے کہنے کا اعتبار کیا کسی کے عشق نہاں میں یہ بد گمانی تھی کہ ڈرتے ڈرتے خدا پر بھی آشکار کیا فلک سے طور قیامت کے بن نہ پڑتے تھے اخیر اب تجھے آشوب روزگار کیا وہ بات کر جو کبھی آسماں سے ہو نہ سکے ستم کیا تو بڑا تو نے افتخار کیا بنے گا مہر قیامت بھی ایک خال سیاہ جو چہرہ داغؔ سیہ رو نے آشکار کیا
English rendering
Ghazab kiya tere waade pe aitbaar kiya Tamam raat qayamat ka intezaar kiya Kisi tarah jo na us but ne aitbaar kiya Meri wafa ne mujhe khoob sharmsaar kiya Hansa hansa ke shab-e-wasl ashk-baar kiya Tasalliyan mujhe de de ke be-qarar kiya Yeh kis ne jalwa hamare sar-e-mazaar kiya Ke dil se shor utha haaye be-qarar kiya Suna hai tegh ko qaatil ne aab-dar kiya Agar yeh sach hai toh be-shubah hum pe waar kiya Na aaye raah pe woh ajz-e-be-shumar kiya Shab-e-wisaal bhi main ne toh intezaar kiya Tujhe toh waada-e-deedar hum se karna tha Yeh kya kiya ke jahan ko ummeedwar kiya Yeh dil ko taab kahan hai ke ho ma'aal-andesh Unhon ne waada kiya us ne aitbaar kiya Kahan ka sabr ke dam par hai ban gai zaalim Ba-tang aaye toh haal-e-dil aashkar kiya Tadap phir ai dil-e-nadaan ke ghair kehte hain Akheer kuch na bani sabr ikhtiyar kiya Mile jo yaar ki shokhi se us ki be-chaini Tamam raat dil-e-muztarib ko pyar kiya Bhala bhala ke jataya hai un ko raaz-e-nihan Chhupa chhupa ke mohabbat ko aashkar kiya Na us ke dil se mitaya ke saaf ho jaata Saba ne khaak-e-pareshan mera ghubar kiya Hum aise mahv-e-nazarah na the jo hosh aata Magar tumhare taghaaful ne hoshiyar kiya Hamare seene mein jo rah gai thi aatish-e-hijr Shab-e-wisaal bhi us ko na hamkinar kiya Raqeeb o shiwa-e-ulfat khuda ki qudrat hai Woh aur ishq bhala tum ne aitbaar kiya Zaban-e-khar se nikli sada-e-Bismillah Junoon ko jab sar-e-shoreeda par sawar kiya Teri nigah ke tasawwur mein hum ne ai qaatil Laga laga ke gale se chhuri ko pyar kiya Ghazab thi kasrat-e-mehfil ke main ne dhoka mein Hazaar baar raqeebon ko hamkinar kiya Hua hai koi magar is ka chahne wala Ke aasman ne tera shiwa ikhtiyar kiya Na poochh dil ki haqeeqat magar yeh kehte hain Woh be-qarar rahe jis ne be-qarar kiya Jab un ko tarz-e-sitam aa gaye toh hosh aaya Bura ho dil ka bure waqt hoshiyar kiya Fasana-e-shab-e-gham un ko ek kahani thi Kuchh aitbaar kiya kuchh na aitbaar kiya Aseeri-e-dil-e-aashufta rang la ke rahi Tamam tarah tarraar taar taar kiya Kuchh aa gai daawar-e-mehshar se hai ummeed mujhe Kuchh aap ne mere kehne ka aitbaar kiya Kisi ke ishq-e-nihan mein yeh bad-gumani thi Ke darte darte khuda par bhi aashkar kiya Falak se taur-e-qayamat ke ban na padte the Akheer ab tujhe aashob-e-rozgar kiya Woh baat kar jo kabhi aasman se ho na sake Sitam kiya toh bada tu ne iftekhar kiya Banega mehar-e-qayamat bhi ek khaal-e-siyah Jo chehra Daagh-e-siyah-roo ne aashkar kiya