ادھر دیکھ لینا ادھر دیکھ لینا
ادھر دیکھ لینا ادھر دیکھ لینا کن انکھیوں سے اس کو مگر دیکھ لینا فقط نبض سے حال ظاہر نہ ہوگا مرا دل بھی اے چارہ گر دیکھ لینا کبھی ذکر دیدار آیا تو بولے قیامت سے بھی پیشتر دیکھ لینا نہ دینا خط شوق گھبرا کے پہلے محل موقع اے نامہ بر دیکھ لینا کہیں ایسے بگڑے سنورتے بھی دیکھے نہ آئیں گے وہ راہ پر دیکھ لینا تغافل میں شوخی نرالی ادا تھی غضب تھا وہ منہ پھیر کر دیکھ لینا شب وعدہ اپنا یہی مشغلہ تھا اٹھا کر نظر سوئے در دیکھ لینا بلایا جو غیروں کو دعوت میں تم نے مجھے پیشتر اپنے گھر دیکھ لینا محبت کے بازار میں اور کیا ہے کوئی دل دکھائے اگر دیکھ لینا مرے سامنے غیر سے بھی اشارے ادھر بھی ادھر دیکھ کر دیکھ لینا نہ ہو نازک اتنا بھی مشاطہ کوئی دہن دیکھ لینا کمر دیکھ لینا نہیں رکھنے دیتے جہاں پاؤں ہم کو اسی آستانے پہ سر دیکھ لینا تماشائے عالم کی فرصت ہے کس کو غنیمت ہے بس اک نظر دیکھ لینا دیے جاتے ہیں آج کچھ لکھ کے تم کو اسے وقت فرصت مگر دیکھ لینا ہمیں جان دیں گے ہمیں مر مٹیں گے ہمیں تم کسی وقت پر دیکھ لینا جلایا تو ہے داغؔ کے دل کو تم نے مگر اس کا ہوگا اثر دیکھ لینا
English rendering
Idhar dekh lena udhar dekh lena Kin ankhion se us ko magar dekh lena Faqat nabz se haal zahir na hoga Mera dil bhi ai chara-gar dekh lena Kabhi zikr-e-deedar aaya toh bole Qayamat se bhi peshtar dekh lena Na dena khatt-e-shauq ghabra ke pehle Mahal mauqa ai naama-bar dekh lena Kahin aise bigde sanwarte bhi dekhe Na aayein ge woh raah par dekh lena Taghaaful mein shokhi nirali ada thi Ghazab tha woh munh pher kar dekh lena Shab-e-wada apna yehi mashghala tha Utha kar nazar su-e-dar dekh lena Bulaya jo ghairon ko daawat mein tum ne Mujhe peshtar apne ghar dekh lena Mohabbat ke bazaar mein aur kya hai Koi dil dikhaye agar dekh lena Mere saamne ghair se bhi ishaare Idhar bhi udhar dekh kar dekh lena Na ho nazuk itna bhi mashata koi Dahan dekh lena kamar dekh lena Nahin rakhne dete jahan paon hum ko Usi aastane pe sar dekh lena Tamasha-e-aalam ki fursat hai kis ko Ghaneemat hai bas ek nazar dekh lena Diye jaate hain aaj kuch likh ke tum ko Use waqt-e-fursat magar dekh lena Humein jaan denge humein mar mitenge Humein tum kisi waqt par dekh lena Jalaya toh hai Daagh ke dil ko tum ne Magar is ka hoga asar dekh lena