کون سا طائر گم گشتہ اسے یاد آیا
کون سا طائر گم گشتہ اسے یاد آیا دیکھتا بھالتا ہر شاخ کو صیاد آیا میرے قابو میں نہ پہروں دل ناشاد آیا وہ مرا بھولنے والا جو مجھے یاد آیا کوئی بھولا ہوا انداز ستم یاد آیا کہ تبسم تجھے ظالم دم بیداد آیا لائے ہیں لوگ جنازے کی طرح محشر میں کس مصیبت سے ترا کشتۂ بیداد آیا جذب وحشت ترے قربان ترا کیا کہنا کھنچ کے رگ رگ میں مرے نشتر فصاد آیا اس کے جلوے کو غرض کون و مکاں سے کیا تھا داد لینے کے لیے حسن خداداد آیا بستیوں سے یہی آواز چلی آتی ہے جو کیا تو نے وہ آگے ترے فرہاد آیا دل ویراں سے رقیبوں نے مرادیں پائیں کام کس کس کے مرا خرمن برباد آیا عشق کے آتے ہی منہ پر مرے پھولی ہے بسنت ہو گیا زرد یہ شاگرد جب استاد آیا ہو گیا فرض مجھے شوق کا دفتر لکھنا جب مرے ہاتھ کوئی خامۂ فولاد آیا عید ہے قتل مرا اہل تماشا کے لیے سب گلے ملنے لگے جب کہ وہ جلاد آیا چین کرتے ہیں وہاں رنج اٹھانے والے کام عقبیٰ میں ہمارا دل ناشاد آیا دی شب وصل موذن نے اذاں پچھلی رات ہائے کم بخت کو کس وقت خدا یاد آیا میرے نالے نے سنائی ہے کھری کس کس کو منہ فرشتوں پہ یہ گستاخ یہ آزاد آیا غم جاوید نے دی مجھ کو مبارک بادی جب سنا یہ کہ انہیں شیوۂ بیداد آیا میں تمنائے شہادت کا مزا بھول گیا آج اس شوق سے ارمان سے جلاد آیا شادیانہ جو دیا نالہ و شیون نے دیا جب ملاقات کو ناشاد کی ناشاد آیا لیجئے سنئے اب افسانۂ فرقت مجھ سے آپ نے یاد دلایا تو مجھے یاد آیا آپ کی بزم میں سب کچھ ہے مگر داغؔ نہیں ہم کو وہ خانہ خراب آج بہت یاد آیا
English rendering
Kaun sa taair-e-gumgushta use yaad aaya Dekhta bhalta har shakh ko sayyad aaya Mere qaabu mein na phir dil-e-nashad aaya Woh mera bhoolne wala jo mujhe yaad aaya Koi bhoola hua andaaz-e-sitam yaad aaya Ke tabassum tujhe zalim dam-e-bedad aaya Laye hain log janaze ki tarah mehshar mein Kis museebat se tera kushta-e-bedad aaya Jazb-e-wehshat tere qurban tera kya kahna Khinch ke rag rag mein mere nashtar-e-fasad aaya Is ke jalwe ko gharaz kaun-o-makan se kya tha Dad lene ke liye husn-e-khudadad aaya Bastiyon se yahi awaz chali aati hai Jo kiya tu ne woh aage tere Farhad aaya Dil-e-veeran se raqeebon ne muradein payin Kaam kis kis ke mera khirman-e-barbaad aaya Ishq ke aate hi munh par mere phooli hai basant Ho gaya zard yeh shagird jab ustad aaya Ho gaya farz mujhe shauq ka daftar likhna Jab mere haath koi khama-e-faulad aaya Eid hai qatl mera ahl-e-tamasha ke liye Sab gale milne lage jab ke woh jallad aaya Chain karte hain wahan ranj uthane wale Kaam uqba mein hamara dil-e-nashad aaya Di shab-e-vasl muazzin ne azan pichhli raat Haaye kam-bakht ko kis waqt Khuda yaad aaya Mere naale ne sunayi hai khari kis kis ko Munh farishton pe yeh gustaakh yeh azad aaya Gham-e-javed ne di mujh ko mubarak-badi Jab suna yeh ke unhein shewa-e-bedad aaya Main tamanna-e-shahadat ka maza bhool gaya Aaj us shauq se armaan se jallad aaya Shadiyana jo diya nala-o-shivan ne diya Jab mulaqat ko Nashad ki Nashad aaya Leejiye suniye ab afsana-e-furqat mujh se Aap ne yaad dilaya to mujhe yaad aaya Aap ki bazm mein sab kuch hai magar Dagh nahin Hum ko woh khana-kharab aaj bahut yaad aaya