لے چلا جان مری روٹھ کے جانا تیرا
لے چلا جان مری روٹھ کے جانا تیرا ایسے آنے سے تو بہتر تھا نہ آنا تیرا اپنے دل کو بھی بتاؤں نہ ٹھکانا تیرا سب نے جانا جو پتا ایک نے جانا تیرا تو جو اے زلف پریشان رہا کرتی ہے کس کے اجڑے ہوئے دل میں ہے ٹھکانا تیرا آرزو ہی نہ رہی صبح وطن کی مجھ کو شام غربت ہے عجب وقت سہانا تیرا یہ سمجھ کر تجھے اے موت لگا رکھا ہے کام آتا ہے برے وقت میں آنا تیرا اے دل شیفتہ میں آگ لگانے والے رنگ لایا ہے یہ لاکھے کا جمانا تیرا تو خدا تو نہیں اے ناصح ناداں میرا کیا خطا کی جو کہا میں نے نہ مانا تیرا رنج کیا وصل عدو کا جو تعلق ہی نہیں مجھ کو واللہ ہنساتا ہے رلانا تیرا کعبہ و دیر میں یا چشم و دل عاشق میں انہیں دو چار گھروں میں ہے ٹھکانا تیرا ترک عادت سے مجھے نیند نہیں آنے کی کہیں نیچا نہ ہو اے گور سرہانا تیرا میں جو کہتا ہوں اٹھائے ہیں بہت رنج فراق وہ یہ کہتے ہیں بڑا دل ہے توانا تیرا بزم دشمن سے تجھے کون اٹھا سکتا ہے اک قیامت کا اٹھانا ہے اٹھانا تیرا اپنی آنکھوں میں ابھی کوند گئی بجلی سی ہم نہ سمجھے کہ یہ آنا ہے کہ جانا تیرا یوں تو کیا آئے گا تو فرط نزاکت سے یہاں سخت دشوار ہے دھوکے میں بھی آنا تیرا داغؔ کو یوں وہ مٹاتے ہیں یہ فرماتے ہیں تو بدل ڈال ہوا نام پرانا تیرا
English rendering
Le chala jaan meri rooth ke jaana tera Aise aane se to behtar tha na aana tera Apne dil ko bhi bataun na thikana tera Sab ne jaana jo pata ek ne jaana tera Tu jo aye zulf-e-pareshan raha karti hai Kis ke ujde hue dil mein hai thikana tera Arzoo hi na rahi subh-e-watan ki mujh ko Sham-e-ghurbat hai ajab waqt suhana tera Yeh samajh kar tujhe aye maut laga rakha hai Kaam aata hai bure waqt mein aana tera Aye dil-e-shefta mein aag lagane wale Rang laya hai yeh lakhay ka jamana tera Tu Khuda to nahin aye naseh-e-nadan mera Kya khata ki jo kaha main ne na mana tera Ranj kya vasl-e-adu ka jo talluq hi nahin Mujh ko wallah hansata hai rulana tera Kaaba-o-dair mein ya chashm-o-dil-e-ashiq mein Inhin do char gharon mein hai thikana tera Tark-e-adat se mujhe neend nahin aane ki Kahin neech na ho aye gor sirhana tera Main jo kahta hun uthaye hain bahut ranj-e-firaq Woh yeh kahte hain bada dil hai tawana tera Bazm-e-dushman se tujhe kaun utha sakta hai Ik qayamat ka uthana hai uthana tera Apni aankhon mein abhi kaund gayi bijli si Hum na samjhe ke yeh aana hai ke jaana tera Yun to kya aayega tu fart-e-nazakat se yahan Sakht dushwar hai dhoke mein bhi aana tera Dagh ko yun woh mitate hain yeh farmate hain Tu badal daal hua naam purana tera