ملاتے ہو اسی کو خاک میں جو دل سے ملتا ہے
ملاتے ہو اسی کو خاک میں جو دل سے ملتا ہے مری جاں چاہنے والا بڑی مشکل سے ملتا ہے کہیں ہے عید کی شادی کہیں ماتم ہے مقتل میں کوئی قاتل سے ملتا ہے کوئی بسمل سے ملتا ہے پس پردہ بھی لیلیٰ ہاتھ رکھ لیتی ہے آنکھوں پر غبار ناتوان قیس جب محمل سے ملتا ہے بھرے ہیں تجھ میں وہ لاکھوں ہنر اے مجمع خوبی ملاقاتی ترا گویا بھری محفل سے ملتا ہے مجھے آتا ہے کیا کیا رشک وقت ذبح اس سے بھی گلا جس دم لپٹ کر خنجر قاتل سے ملتا ہے بظاہر با ادب یوں حضرت ناصح سے ملتا ہوں مرید خاص جیسے مرشد کامل سے ملتا ہے مثال گنج قاروں اہل حاجت سے نہیں چھپتا جو ہوتا ہے سخی خود ڈھونڈ کر سائل سے ملتا ہے جواب اس بات کا اس شوخ کو کیا دے سکے کوئی جو دل لے کر کہے کم بخت تو کس دل سے ملتا ہے چھپائے سے کوئی چھپتی ہے اپنے دل کی بیتابی کہ ہر تار نفس اپنا رگ بسمل سے ملتا ہے عدم کی جو حقیقت ہے وہ پوچھو اہل ہستی سے مسافر کو تو منزل کا پتا منزل سے ملتا ہے غضب ہے داغؔ کے دل سے تمہارا دل نہیں ملتا تمہارا چاند سا چہرہ مہ کامل سے ملتا ہے
English rendering
Milate ho usi ko khaak mein jo dil se milta hai Meri jaan chahne wala badi mushkil se milta hai Kahin hai eid ki shadi kahin matam hai maqtal mein Koi qatil se milta hai koi bismil se milta hai Pas parda bhi Laila hath rakh leti hai aankhon par Ghubar-e-natwan Qais jab mahmil se milta hai Bhare hain tujh mein woh lakhon hunar ae majma-e-khoobi Mulaqati tera goya bhari mehfil se milta hai Mujhe aata hai kya kya rashk waqt-e-zibh us se bhi Gala jis dam lipat kar khanjar-e-qatil se milta hai Bazahir ba-adab yun Hazrat Nasih se milta hun Mureed-e-khaas jaise Murshid-e-kamil se milta hai Misaal-e-ganj-e-qarun ahl-e-hajat se nahin chhupta Jo hota hai sakhi khud dhund kar sail se milta hai Jawab is baat ka us shokh ko kya de sake koi Jo dil le kar kahe kambakht tu kis dil se milta hai Chhupaye se koi chhupti hai apne dil ki betabi Ke har taar-e-nafas apna rag-e-bismil se milta hai Adam ki jo haqeeqat hai woh puchho ahl-e-hasti se Musafir ko toh manzil ka pata manzil se milta hai Ghazab hai Dagh ke dil se tumhara dil nahin milta Tumhara chand sa chehra mah-e-kamil se milta hai