ناروا کہئے ناسزا کہئے
ناروا کہئے ناسزا کہئے کہئے کہئے مجھے برا کہئے تجھ کو بد عہد و بے وفا کہئے ایسے جھوٹے کو اور کیا کہئے درد دل کا نہ کہئے یا کہئے جب وہ پوچھے مزاج کیا کہئے پھر نہ رکئے جو مدعا کہئے ایک کے بعد دوسرا کہئے آپ اب میرا منہ نہ کھلوائیں یہ نہ کہئے کہ مدعا کہئے وہ مجھے قتل کر کے کہتے ہیں مانتا ہی نہ تھا یہ کیا کہئے دل میں رکھنے کی بات ہے غم عشق اس کو ہرگز نہ برملا کہئے تجھ کو اچھا کہا ہے کس کس نے کہنے والوں کو اور کیا کہئے وہ بھی سن لیں گے یہ کبھی نہ کبھی حال دل سب سے جا بجا کہئے مجھ کو کہئے برا نہ غیر کے ساتھ جو ہو کہنا جدا جدا کہئے انتہا عشق کی خدا جانے دم آخر کو ابتدا کہئے میرے مطلب سے کیا غرض مطلب آپ اپنا تو مدعا کہئے ایسی کشتی کا ڈوبنا اچھا کہ جو دشمن کو ناخدا کہئے صبر فرقت میں آ ہی جاتا ہے پر اسے دیر آشنا کہئے آ گئی آپ کو مسیحائی مرنے والوں کو مرحبا کہئے آپ کا خیر خواہ میرے سوا ہے کوئی اور دوسرا کہئے ہاتھ رکھ کر وہ اپنے کانوں پر مجھ سے کہتے ہیں ماجرا کہئے ہوش جاتے رہے رقیبوں کے داغؔ کو اور با وفا کہئے
English rendering
Na-rawa kahiye na-saza kahiye Kahiye kahiye mujhe bura kahiye Tujh ko bad ahd-o-bewafa kahiye Aise jhoote ko aur kya kahiye Dard-e-dil ka na kahiye ya kahiye Jab woh puchhe mizaj kya kahiye Phir na rukiye jo muddaa kahiye Ek ke baad dusra kahiye Aap ab mera munh na khulwayein Yeh na kahiye ke muddaa kahiye Woh mujhe qatl kar ke kehte hain Manta hi na tha yeh kya kahiye Dil mein rakhne ki baat hai gham-e-ishq Is ko hargiz na barmala kahiye Tujh ko achha kaha hai kis kis ne Kehne walon ko aur kya kahiye Woh bhi sun lenge yeh kabhi na kabhi Haal-e-dil sab se ja baja kahiye Mujh ko kahiye bura na ghair ke saath Jo ho kehna juda juda kahiye Intiha-e-ishq ki Khuda jaane Dam-e-akhir ko ibtida kahiye Mere matlab se kya gharaz matlab Aap apna toh muddaa kahiye Aisi kashti ka doobna achha Ke jo dushman ko nakhuda kahiye Sabr-e-furqat mein aa hi jaata hai Par use der-aashna kahiye Aa gayi aap ko maseehai Marne walon ko marhaba kahiye Aap ka khair khwah mere siwa Hai koi aur dusra kahiye Haath rakh kar woh apne kaanon par Mujh se kehte hain majra kahiye Hosh jaate rahe raqeebon ke Dagh ko aur ba-wafa kahiye