پھرے راہ سے وہ یہاں آتے آتے
پھرے راہ سے وہ یہاں آتے آتے اجل مر رہی تو کہاں آتے آتے نہ جانا کہ دنیا سے جاتا ہے کوئی بہت دیر کی مہرباں آتے آتے سنا ہے کہ آتا ہے سر نامہ بر کا کہاں رہ گیا ارمغاں آتے آتے یقیں ہے کہ ہو جائے آخر کو سچی مرے منہ میں تیری زباں آتے آتے سنانے کے قابل جو تھی بات ان کو وہی رہ گئی درمیاں آتے آتے مجھے یاد کرنے سے یہ مدعا تھا نکل جائے دم ہچکیاں آتے آتے ابھی سن ہی کیا ہے جو بیباکیاں ہوں انہیں آئیں گی شوخیاں آتے آتے کلیجا مرے منہ کو آئے گا اک دن یوں ہی لب پر آہ و فغاں آتے آتے چلے آتے ہیں دل میں ارمان لاکھوں مکاں بھر گیا میہماں آتے آتے نتیجہ نہ نکلا تھکے سب پیامی وہاں جاتے جاتے یہاں آتے آتے تمہارا ہی مشتاق دیدار ہوگا گیا جان سے اک جواں آتے آتے تری آنکھ پھرتے ہی کیسا پھرا ہے مری راہ پر آسماں آتے آتے پڑا ہے بڑا پیچ پھر دل لگی میں طبیعت رکی ہے جہاں آتے آتے مرے آشیاں کے تو تھے چار تنکے چمن اڑ گیا آندھیاں آتے آتے کسی نے کچھ ان کو ابھارا تو ہوتا نہ آتے نہ آتے یہاں آتے آتے قیامت بھی آتی تھی ہم راہ اس کے مگر رہ گئی ہم عناں آتے آتے بنا ہے ہمیشہ یہ دل باغ و صحرا بہار آتے آتے خزاں آتے آتے نہیں کھیل اے داغؔ یاروں سے کہہ دو کہ آتی ہے اردو زباں آتے آتے
English rendering
Phire raah se woh yahan aate aate Ajal mar rahi to kahan aate aate Na jaana ke duniya se jaata hai koi Bahut der ki mehrban aate aate Suna hai ke aata hai sar nama-bar ka Kahan reh gaya armaghan aate aate Yaqeen hai ke ho jaaye akhir ko sacchi Mere munh mein teri zaban aate aate Sunane ke qabil jo thi baat un ko Wahi reh gayi darmiyan aate aate Mujhe yaad karne se yeh muddaa tha Nikal jaaye dam hichkiyan aate aate Abhi sun hi kya hai jo bebakiyan hon Inhein aayengi shokhiyan aate aate Kaleja mere munh ko aayega ek din Yun hi lab par aah-o-fughan aate aate Chale aate hain dil mein armaan lakhon Makan bhar gaya mehman aate aate Nateeja na nikla thake sab payami Wahan jaate jaate yahan aate aate Tumhara hi mushtaq-e-deedar hoga Gaya jaan se ek jawan aate aate Teri aankh phirte hi kaisa phira hai Meri raah par aasman aate aate Pada hai bada pech phir dillagi mein Tabiyat ruki hai jahan aate aate Mere aashiyan ke toh the char tinke Chaman ud gaya aandhiyan aate aate Kisi ne kuch un ko ubhara toh hota Na aate na aate yahan aate aate Qayamat bhi aati thi hamraah us ke Magar reh gayi ham-inan aate aate Bana hai hamesha yeh dil bagh-o-sahra Bahar aate aate khizan aate aate Nahin khel ae Dagh yaaron se keh do Ke aati hai Urdu zaban aate aate