داغ دہلوی

English rendering

Saaz yeh keena-saz kya jaanen Naaz wale niyaaz kya jaanen Shama-ru aap go hue lekin Lutf-e-soz-o-gudaz kya jaanen Kab kisi dar ki jabha-sai ki Shaikh Sahab namaz kya jaanen Jo rah-e-ishq mein qadam rakhein Woh nasheb-o-faraz kya jaanen Puchhiye mai-kashon se lutf-e-sharab Yeh maza pakbaaz kya jaanen Balle chitwan teri ghazab-ri nigah Kya karenge yeh naaz kya jaanen Jin ko apni khabar nahin ab tak Woh mere dil ka raaz kya jaanen Hazrat Khizr jab shaheed na hon Lutf-e-umr-e-daraz kya jaanen Jo guzarte hain Dagh par sadme Aap banda-nawaz kya jaanen