سبق ایسا پڑھا دیا تو نے
سبق ایسا پڑھا دیا تو نے دل سے سب کچھ بھلا دیا تو نے ہم نکمے ہوئے زمانے کے کام ایسا سکھا دیا تو نے کچھ تعلق رہا نہ دنیا سے شغل ایسا بتا دیا تو نے کس خوشی کی خبر سنا کے مجھے غم کا پتلا بنا دیا تو نے کیا بتاؤں کہ کیا لیا میں نے کیا کہوں میں کی کیا دیا تو نے بے طلب جو ملا ملا مجھ کو بے غرض جو دیا دیا تو نے عمر جاوید خضر کو بخشی آب حیواں پلا دیا تو نے نار نمرود کو کیا گلزار دوست کو یوں بچا دیا تو نے دست موسیٰ میں فیض بخشش ہے نور و لوح و عصا دیا تو نے صبح موج نسیم گلشن کو نفس جاں فزا دیا تو نے شب تیرہ میں شمع روشن کو نور خورشید کا دیا تو نے نغمہ بلبل کو رنگ و بو گل کو دلکش و خوش نما دیا تو نے کہیں مشتاق سے حجاب ہوا کہیں پردہ اٹھا دیا تو نے تھا مرا منہ نہ قابل لبیک کعبہ مجھ کو دکھا دیا تو نے جس قدر میں نے تجھ سے خواہش کی اس سے مجھ کو سوا دیا تو نے رہبر خضر و ہادی الیاس مجھ کو وہ رہنما دیا تو نے مٹ گئے دل سے نقش باطل سب نقشہ اپنا جما دیا تو نے ہے یہی راہ منزل مقصود خوب رستے لگا دیا تو نے مجھ گنہ گار کو جو بخش دیا تو جہنم کو کیا دیا تو نے داغؔ کو کون دینے والا تھا جو دیا اے خدا دیا تو نے
English rendering
Sabaq aisa padha diya tu ne Dil se sab kuch bhula diya tu ne Hum nikamme hue zamane ke Kaam aisa sikha diya tu ne Kuch ta'alluq raha na duniya se Shaghl aisa bata diya tu ne Kis khushi ki khabar suna ke mujhe Gham ka putla bana diya tu ne Kya bataun ke kya liya main ne Kya kahun main ke kya diya tu ne Be-talab jo mila mila mujh ko Be-gharaz jo diya diya tu ne Umr-e-javed Khizr ko bakhshi Aab-e-haiwan pila diya tu ne Nar-e-Namrood ko kiya gulzar Dost ko yun bacha diya tu ne Dast-e-Musa mein faiz-e-bakhshish hai Noor-o-lauh-o-asa diya tu ne Subh-e-mauj-e-naseem-e-gulshan ko Nafas-e-jaan-fiza diya tu ne Shab-e-teera mein shama-e-raushan ko Noor-e-khursheed ka diya tu ne Naghma bulbul ko rang-o-bu-e-gul ko Dilkash-o-khush-numa diya tu ne Kahin mushtaq se hijab hua Kahin parda utha diya tu ne Tha mera munh na qabil-e-labbaik Kaaba mujh ko dikha diya tu ne Jis qadar main ne tujh se khwahish ki Us se mujh ko siwa diya tu ne Rehbar-e-Khizr-o-Hadi Ilyas Mujh ko woh rahnuma diya tu ne Mit gaye dil se naqsh-e-batil sab Naqsha apna jama diya tu ne Hai yahi raah-e-manzil-e-maqsood Khoob raste laga diya tu ne Mujh gunahgar ko jo bakhsh diya Tu jahannum ko kya diya tu ne Dagh ko kaun dene wala tha Jo diya ae Khuda diya tu ne