بستی میں کمی کس چیز کی ہے پتھر بھی بہت شیشے بھی بہت
بستی میں کمی کس چیز کی ہے پتھر بھی بہت شیشے بھی بہت اس مہر و جفا کی نگری سے دل کے ہیں مگر رشتے بھی بہت اب کون بتائے وحشت میں کیا کھونا ہے کیا پایا ہے ہاتھوں کا ہوا شہرہ بھی بہت دامن نے سہے صدمے بھی بہت اک جہد و طلب کے راہی پر بے راہروی کی تہمت کیوں سمتوں کا فسوں جب ٹوٹ گیا آوارہ ہوئے رستے بھی بہت موسم کی ہوائیں گلشن میں جادو کا عمل کر جاتی ہیں روداد بہاراں کیا کہئے شبنم بھی بہت شعلے بھی بہت ہے یوں کہ طرب کے ساماں بھی ارزاں ہیں جنوں کی راہوں میں تلووں کے لیے چھالے بھی بہت چھالوں کے لیے کانٹے بھی بہت کہتے ہیں جسے جینے کا ہنر آسان بھی ہے دشوار بھی ہے خوابوں سے ملی تسکیں بھی بہت خوابوں کے اڑے پرزے بھی بہت رسوائی کہ شہرت کچھ جانو حرمت کہ ملامت کچھ سمجھو تاباںؔ ہوں کسی عنوان سہی ہوتے ہیں مرے چرچے بھی بہت
English rendering
Basti mein kami kis cheez ki hai patthar bhi bahut sheeshe bhi bahut Is mehr-o-jafa ki nagri se dil ke hain magar rishte bhi bahut Ab kaun bataye wahshat mein kya khona hai kya paya hai Haathon ka hua shohra bhi bahut daman ne sahe sadme bhi bahut Ek jihad-o-talab ke rahi par be-rahravi ki tohmat kyun Samton ka fasoon jab toot gaya awara hue raste bhi bahut Mausam ki hawaein gulshan mein jadoo ka amal kar jaati hain Roodad-e-baharan kya kahiye shabnam bhi bahut shole bhi bahut Hai yun ke tarab ke samaan bhi arzan hain junoon ki rahon mein Talwon ke liye chhaale bhi bahut chhalon ke liye kaante bhi bahut Kehte hain jise jeene ka hunar aasaan bhi hai dushwar bhi hai Khwabon se mili taskeenain bhi bahut khwabon ke ude purze bhi bahut Ruswai ke shohrat kuch jaano hurmat ke malamat kuch samjho Tabaan hoon kisi unwan sahi hote hain mere charche bhi bahut