دل والو کیوں دل سی دولت یوں بیکار لٹاتے ہو
دل والو کیوں دل سی دولت یوں بیکار لٹاتے ہو کیوں اس اندھیاری بستی میں پیار کی جوت جگاتے ہو تم ایسا نادان جہاں میں کوئی نہیں ہے کوئی نہیں پھر ان گلیوں میں جاتے ہو پگ پگ ٹھوکر کھاتے ہو سندر کلیو کومل پھولو یہ تو بتاؤ یہ تو کہو آخر تم میں کیا جادو ہے کیوں من میں بس جاتے ہو یہ موسم رم جھم کا موسم یہ برکھا یہ مست فضا ایسے میں آؤ تو جانیں ایسے میں کب آتے ہو ہم سے روٹھ کے جانے والو اتنا بھید بتا جاؤ کیوں نت راتو کو سپنوں میں آتے ہو من جاتے ہو چاند ستاروں کے جھرمٹ میں پھولوں کی مسکاہٹ میں تم چھپ چھپ کر ہنستے ہو تم روپ کا مان بڑھاتے ہو چلتے پھرتے روشن رستے تاریکی میں ڈوب گئے سو جاؤ اب جالبؔ تم بھی کیوں آنکھیں سلگاتے ہو
English rendering
Dil walo kyun dil si daulat yun bekar lutate ho Kyun is andhiyari basti mein pyar ki jot jagate ho Tum aisa nadan jahan mein koi nahin hai koi nahin Phir in galiyon mein jaate ho pag pag thokar khate ho Sundar kaliyon komal phoolon yeh to batao yeh to kaho Aakhir tum mein kya jadoo hai kyun man man mein bas jaate ho Yeh mausam rim jhim ka mausam yeh barkha yeh mast fiza Aise mein aao to janen aise mein kab aate ho Hum se rooth ke jaane walo itna bhed bata jao Kyun nit raaton ko sapnon mein aate ho man jaate ho Chand sitaron ke jhurmut mein phoolon ki muskahat mein Tum chhup chhup kar hanste ho tum roop ka maan badhate ho Chalte phirte roshan raste tareeki mein doob gaye So jao ab Jaalib tum bhi kyun aankhen sulgate ho