میرؔ و غالبؔ بنے یگانہؔ بنے
میرؔ و غالبؔ بنے یگانہؔ بنے آدمی اے خدا خدا نہ بنے موت کی دسترس میں کب سے ہیں زندگی کا کوئی بہانہ بنے اپنا شاید یہی تھا جرم اے دوست با وفا بن کے بے وفا نہ بنے ہم پہ اک اعتراض یہ بھی ہے بے نوا ہو کے بے نوا نہ بنے یہ بھی اپنا قصور کیا کم ہے کسی قاتل کے ہم نوا نہ بنے کیا گلہ سنگ دل زمانے کا آشنا ہی جب آشنا نہ بنے چھوڑ کر اس گلی کو اے جالبؔ اک حقیقت سے ہم فسانہ بنے
English rendering
Meer o Ghalib bane Yagana bane Aadmi ae Khuda Khuda na bane Maut ki dastaras mein kab se hain Zindagi ka koi bahana bane Apna shayad yehi tha jurm ae dost Ba-wafa ban ke be-wafa na bane Hum pe ik aetiraz yeh bhi hai Be-nawa ho ke be-nawa na bane Yeh bhi apna qasoor kya kam hai Kisi qatil ke hamnawa na bane Kya gila sang-dil zamane ka Aashna hi jab aashna na bane ChhoR kar is gali ko ae Jalib Ik haqeeqat se hum fasana bane