پھر دل سے آ رہی ہے صدا اس گلی میں چل
پھر دل سے آ رہی ہے صدا اس گلی میں چل شاید ملے غزل کا پتا اس گلی میں چل کب سے نہیں ہوا ہے کوئی شعر کام کا یہ شعر کی نہیں ہے فضا اس گلی میں چل وہ بام و در وہ لوگ وہ رسوائیوں کے زخم ہیں سب کے سب عزیز جدا اس گلی میں چل اس پھول کے بغیر بہت جی اداس ہے مجھ کو بھی ساتھ لے کے صبا اس گلی میں چل دنیا تو چاہتی ہے یوں ہی فاصلے رہیں دنیا کے مشوروں پہ نہ جا اس گلی میں چل بے نور و بے اثر ہے یہاں کی صدائے ساز تھا اس سکوت میں بھی مزا اس گلی میں چل جالبؔ پکارتی ہیں وہ شعلہ نوائیاں یہ سرد رت یہ سرد ہوا اس گلی میں چل
English rendering
Phir dil se aa rahi hai sada is gali mein chal Shayad mile ghazal ka pata is gali mein chal Kab se nahin hua hai koi sher kaam ka Yeh sher ki nahin hai fiza is gali mein chal Woh baam-o-dar woh log woh ruswaiyon ke zakhm Hain sab ke sab azeez juda is gali mein chal Is phool ke baghair bahut jee udaas hai Mujh ko bhi saath le ke saba is gali mein chal Duniya to chahti hai yun hi fasle rahen Duniya ke mashwaron pe na ja is gali mein chal Be-noor-o-be-asar hai yahan ki sada-e-saaz Tha is sukoot mein bhi maza is gali mein chal Jalib pukarti hain woh shola-nawaiyan Yeh sard rut yeh sard hawa is gali mein chal