یوں وہ ظلمت سے رہا دست و گریباں یارو
یوں وہ ظلمت سے رہا دست و گریباں یارو اس سے لرزاں تھے بہت شب کے نگہباں یارو اس نے ہر گام دیا حوصلۂ تازہ ہمیں وہ نہ اک پل بھی رہا ہم سے گریزاں یارو اس نے مانی نہ کبھی تیرگیٔ شب سے شکست دل اندھیروں میں رہا اس کا فروزاں یارو اس کو ہر حال میں جینے کی ادا آتی تھی وہ نہ حالات سے ہوتا تھا پریشاں یارو اس نے باطل سے نہ تا زیست کیا سمجھوتہ دہر میں اس سا کہاں صاحب ایماں یارو اس کو تھی کشمکش دیر و حرم سے نفرت اس سا ہندو نہ کوئی اس سا مسلماں یارو اس نے سلطانیٔ جمہور کے نغمے لکھے روح شاہوں کی رہی اس سے پریشاں یارو اپنے اشعار کی شمعوں سے اجالا کر کے کر گیا شب کا سفر کتنا وہ آساں یارو اس کے گیتوں سے زمانے کو سنواریں یارو روح ساحرؔ کو اگر کرنا ہے شاداں یارو
English rendering
Yoon woh zulmat se raha dast-o-gareeban yaaro Is se larzaan thhe bahut shab ke nigahbaan yaaro Us ne har gaam diya hausla taaza humein Woh na ik pal bhi raha hum se gurezaan yaaro Us ne maani na kabhi teergi-e-shab se shikast Dil andheron mein raha us ka furozaan yaaro Usko har haal mein jeene ki adaa aati thhi Woh na halaat se hota thha pareshan yaaro Us ne baatil se na ta zeest kiya samjhota Dehr mein us sa kahan sahib-e-imaan yaaro Usko thhi kashmakash dair-o-haram se nafrat Us sa hindu na koi us sa musalmaan yaaro Us ne sultani-e-jamhoor ke naghme likhe Rooh shahoon ki rahi us se pareshan yaaro Apne ashaar ki sham'on se ujaala kar kar ke Kar gaya shab ka safar kitna woh aasaan yaaro Us ke geeton se zamane ko sanwaarain yaaro Rooh Sahir ko agar karna hai shaadaan yaaro