حبیب جالب

English rendering

Zulmat ko ziya sarsar ko saba bande ko Khuda kya likhna Patthar ko gohar deewar ko dar kargas ko Huma kya likhna Ik hashr bapa hai ghar mein dam ghutta hai gumbad be-dar mein Ik shakhs ke haathon muddat se ruswa hai watan dunya bhar mein Ae deedawaroo is zillat ko qismat ka likha kya likhna Zulmat ko ziya sarsar ko saba bande ko Khuda kya likhna Yeh ahle hasham yeh Dara-o-Jam sab naqsh bar aab hain ae hum-dam Mit jaayenge sab parwarda-e-shab ae ahle wafa reh jaayenge hum Ho jaan ka ziyaan par qatil ko masoom ada kya likhna Zulmat ko ziya sarsar ko saba bande ko Khuda kya likhna Logon pe hi hum ne jaan waari ki hum ne hi unhin ki gham-khwari Hote hain to hon yeh haath qalam shair na banenge darbari Iblees numa insaanon ki ae dost sana kya likhna Zulmat ko ziya sarsar ko saba bande ko Khuda kya likhna Haq baat pe kaude aur zindaan baatil ke shikanje mein hai yeh jaan Insaan hain ke sehme baithe hain khoonkhaar darinde hain raqsaan Is zulm-o-sitam ko lutf-o-karam is dukh ko dawa kya likhna Zulmat ko ziya sarsar ko saba bande ko Khuda kya likhna Har shaam yahaan shaam veeraan aaseeb zada raste galiyaan Jis shehar ki dhun mein nikle the woh shehar dil barbaad kahaan Sehra ko chaman ban kar gulshan baadal ko rida kya likhna Zulmat ko ziya sarsar ko saba bande ko Khuda kya likhna Ae mere watan ke fan-karo zulmat pe na apna fan waaro Yeh mahal saraon ke baasi qatil hain sabhi apne yaaro Virse mein hamein yeh gham hai mila is gham ko naya kya likhna Zulmat ko ziya sarsar ko saba bande ko Khuda kya likhna