آئنہ سینۂ صاحب نظراں ہے کہ جو تھا
آئنہ سینۂ صاحب نظراں ہے کہ جو تھا چہرۂ شاہد مقصود عیاں ہے کہ جو تھا عشق گل میں وہی بلبل کا فغاں ہے کہ جو تھا پرتو مہ سے وہی حال کتاں ہے کہ جو تھا عالم حسن خدا داد بتاں ہے کہ جو تھا ناز و انداز بلائے دل و جاں ہے کہ جو تھا راہ میں تیری شب و روز بسر کرتا ہوں وہی میل اور وہی سنگ نشاں ہے کہ جو تھا روز کرتے ہیں شب ہجر کو بیداری میں اپنی آنکھوں میں سبک خواب گراں ہے کہ جو تھا ایک عالم میں ہو ہر چند مسیحا مشہور نام بیمار سے تم کو خفقاں ہے کہ جو تھا دولت عشق کا گنجینہ وہی سینہ ہے داغ دل زخم جگر مہر و نشاں ہے کہ جو تھا ناز و انداز و ادا سے تمہیں شرم آنے لگی عارضی حسن کا عالم وہ کہاں ہے کہ جو تھا جاں کی تسکیں کے لئے حالت دل کہتے ہیں بے یقینی کا تری ہم کو گماں ہے کہ جو تھا اثر منزل مقصود نہیں دنیا میں راہ میں قافلۂ ریگ رواں ہے کہ جو تھا دہن اس روئے کتابی میں ہے پر نا پیدا اسم اعظم وہی قرآں میں نہاں ہے کہ جو تھا کعبۂ مد نظر قبلہ نما ہے تا حال کوئے جاناں کی طرف دل نگراں ہے کہ جو تھا کوہ و صحرا و گلستاں میں پھرا کرتا ہے متلاشی وہ ترا آب رواں ہے کہ جو تھا سوزش دل سے تسلسل ہے وہی آہوں کا عود کے جلنے سے مجمر میں دھواں ہے کہ جو تھا رات کٹ جاتی ہے باتیں وہی سنتے سنتے شمع محفل صنم چرب زباں ہے کہ جو تھا پائے خم مستوں کے ہو حق کا جو عالم ہے سو ہے سر منبر وہی واعظ کا بیاں ہے کہ جو تھا کون سے دن نئی قبریں نہیں اس میں بنتیں یہ خرابہ وہی عبرت کا مکاں ہے کہ جو تھا بے خبر شوق سے میرے نہیں وہ نور نگاہ قاصد اشک شب و روز وہاں ہے کہ جو تھا لیلۃ القدر کنایہ نہ شب وصل سے ہو اس کا افسانہ میان رمضاں ہے کہ جو تھا دین و دنیا کا طلب گار ہنوز آتشؔ ہے یہ گدا سائل نقد دو جہاں ہے کہ جو تھا
English rendering
Aaina-e-seena sahib-e-nazran hai ki jo tha Chehra-e-shahid-e-maqsood ayan hai ki jo tha Ishq-e-gul mein wahi bulbul ka faghan hai ki jo tha Partav-e-mah se wahi haal-e-kutan hai ki jo tha Alam-e-husn-e-khudadad-e-butan hai ki jo tha Naz-o-andaaz bala-e-dil-o-jaan hai ki jo tha Raah mein teri shab-o-roz basar karta hoon Wahi meel aur wahi sang-e-nishan hai ki jo tha Roz karte hain shab-e-hijr ko bedari mein Apni aankhon mein sabak khwab-e-giran hai ki jo tha Ek alam mein ho har chand masiha mashhoor Naam-e-bimar se tum ko khafaqan hai ki jo tha Daulat-e-ishq ka ganjina wahi seena hai Dagh-e-dil zakhm-e-jigar mohr-o-nishan hai ki jo tha Naz-o-andaaz-o-ada se tumhein sharm aane lagi Aarizi husn ka alam woh kahan hai ki jo tha Jaan ki taskeen ke liye halat-e-dil kehte hain Be-yaqeeni ka teri hum ko guman hai ki jo tha Asar-e-manzil-e-maqsood nahin duniya mein Raah mein qafla-e-reg-e-rawan hai ki jo tha Dahan us ru-e-kitabi mein hai par na-paida Ism-e-azam wahi Quran mein nihan hai ki jo tha Kaaba-e-mad-e-nazar qibla-numa hai ta haal Ku-e-jaanan ki taraf dil nigran hai ki jo tha Koh-o-sahra-o-gulistan mein phira karta hai Mutalashi woh tera aab-e-rawan hai ki jo tha Sozish-e-dil se tasalsul hai wahi aahon ka Ood ke jalne se majmar mein dhuan hai ki jo tha Raat kat jaati hai baatein wahi sunte sunte Shama-e-mehfil sanam-e-charb-zaban hai ki jo tha Pa-e-kham-e-maston ke ho haq ka jo alam hai so hai Sar-e-mimbar wahi waaiz ka bayan hai ki jo tha Kaun se din nayi qabrein nahin is mein bantien Yeh kharaba wahi ibrat ka makan hai ki jo tha Be-khabar shauq se mere nahin woh noor-e-nigah Qasid-e-ashk shab-o-roz wahan hai ki jo tha Lailatul Qadr kinaya na shab-e-wasl se ho Is ka afsana miyan-e-ramzan hai ki jo tha Deen-o-duniya ka talabgar hunooz Atish hai Yeh gada sail-e-naqd-e-do-jahan hai ki jo tha