عِشق کے سَودے سے پہلے دردِ سر کوئی نہ تھا
عِشق کے سَودے سے پہلے دردِ سر کوئی نہ تھا داغِ دِل خندہ زن، زخمِ جِگر کوئی نہ تھا جوہری کی آنکھ سے دیکھے جواہر بیشتر لعلِ لب سالعل، دنداں سا گُہر کوئی نہ تھا خوب صُورت یُوں تو بہتیرے تھے، لیکن یار سا! نازنیں، نازک بدن، نازک کمر کوئی نہ تھا رہ گئی دِل ہی میں اپنے حسرتِ اِظہارِ شوق لکھ کے خط جب ہم نے ڈھونڈھا، نامہ برکوئی نہ تھا دوست دشمن، یار رکھتا ، خاطر اپنی کیا عزیز عیبِ اُلفت کے سِوا، ہم میں ہُنر کوئی نہ تھا دیدہ و دِل تھے منوّر تیرے نُورِ حُسن سے جلوہ فرما ہو نہ تُوجس میں، وہ گھر کوئی نہ تھا عشق کِس کو حُسنِ دلکش سے نہ تھا، اے جانِ جاں! فکر سے غافِل تِری، جِن و بَشر کوئی نہ تھا چاشنی دونوں کی چکھی ہےجو حق حق پُوچھیے اُن لَبِ شِیرِیں سے شِیرِیں نیشکر کوئی نہ تھا لے چَلےہستی سے داغِ عِشق آتشؔ ،شُکر ہے منزِلِ مُلکِ عَدم کا، ہمسفر کوئی نہ تھا
English rendering
Ishq ke saude se pehle dard-e-sar koi na tha Daagh-e-dil khanda-zan, zakhm-e-jigar koi na tha Jauhari ki aankh se dekhe jawaahar beshtar La'l-e-lab sa la'l, dandaan sa guhar koi na tha Khoob-soorat yun to bahatere the, lekin yaar sa! Nazneen, nazuk badan, nazuk kamar koi na tha Reh gayi dil hi mein apne hasrat-e-izhaar-e-shauq Likh ke khat jab hum ne dhoondha, naama-bar koi na tha Dost dushman, yaar rakhta, khatir apni kya aziz Aib-e-ulfat ke siwa, hum mein hunar koi na tha Deeda-o-dil the munawwar tere noor-e-husn se Jalwa-farma ho na tu jis mein, woh ghar koi na tha Ishq kis ko husn-e-dilkash se na tha, ae jaan-e-jaan! Fikr se ghafil teri, jin-o-bashar koi na tha Chaashni dono ki chakhhe hai jo haq haq poochhiye Un lab-e-shireen se sheereen naishakar koi na tha Le chale hasti se daagh-e-ishq Atash, shukr hai Manzil-e-mulk-e-adam ka, humsafar koi na tha