خُدا کرے نہ تمھیں میرے حال سے واقف
خُدا کرے نہ تمھیں میرے حال سے واقف نہ ہو مزاجِ مبارک ملال سے واقف نہیں جو روز شب وماہ وسال سے واقف وہی ہے خُوب زمانےکے حال سے واقف زباں سے کِس کی مہِ چاردہ نہیں سُنتے! زمانہ ہے تِرے فضل و کمال سے واقف دُعائے خیر ، یہی ہے مری حَسِینوں کو نہ ہو کمال تمھارا زوال سے واقف فسانہ طُورِ تجلّی کا سُن کے، کان کُھلے! نہ تھے کرشمۂ حُسن و جمال سے واقف فنا کے بعد کُھلا دِل کو عِشق کا پردہ تمام ہو کے ہُوئے ہم کمال سے واقف ازل سے محرمِ رازِ پَری ہُوں مَیں مجنُوں میرے فرشتے نہیں میرے حال سے واقف نہ چند روزِ جُدائی بھی مُنقَضی ہوں گے کہاں فراق، ہُوئے جب وصال سے واقف رقیب مبتذل اُس گُل عذار کے ہوں یہ خار و خس نہیں آتشؔ کے حال سے واقف
English rendering
Khuda kare na tumhein mere haal se waqif Na ho mizaaj-e-mubarak malaal se waqif Nahin jo roz shab-o-maah-o-saal se waqif Wohi hai khoob zamane ke haal se waqif Zabaan se kis ki meh-e-chaardah nahin sunte! Zamana hai tere fazl-o-kamaal se waqif Dua-e-khair, yehi hai meri haseenon ko Na ho kamaal tumhara zawaal se waqif Fasana-e-Toor-e-tajalli ka sun ke, kaan khule! Na the karishma-e-husn-o-jamaal se waqif Fana ke baad khula dil ko ishq ka parda Tamaam ho ke hue hum kamaal se waqif Azal se mahram-e-raaz-e-pari hua hoon main Majnoon Mere farishte nahin mere haal se waqif Na chand roz-e-judai bhi munqazi honge Kahan firaaq, hue jab wisaal se waqif Raqeeb mubtazal us gul-e-uzaar ke ho Yeh khaar-o-khas nahin Atash ke haal se waqif