خوشا وہ دل کہ ہو جس دل میں آرزو تیری
خوشا وہ دل کہ ہو جس دل میں آرزو تیری خوشا دماغ جسے تازہ رکھّے بُو تیری پھرے ہیں مشرق و مغرب سے تا جنوب و شمال تلاش کی ہے صنم ہم نے چار سُو تیری شبِ فراق میں اک دم نہیں قرار آیا خدا گواہ ہے، شاہد ہے آرزو تیری دماغ اپنا بھی اے گُلبدن معطّر ہے صبا ہی کے نہیں حصّے میں آئی بُو تیری مری طرف سے صبا کہیو میرے یوسف سے نکل چلی ہے بہت پیرہن سے بو تیری شبِ فراق میں، اے روزِ وصل، تا دمِ صبح چراغ ہاتھ میں ہے اور جستجو تیری جو ابر گریہ کناں ہے تو برق خندہ زناں کسی میں خُو ہے ہماری، کسی میں خُو تیری کسی طرف سے تو نکلے گا آخر اے شہِ حُسن فقیر دیکھتے ہیں راہ کو بہ کو تیری زمانے میں کوئی تجھ سا نہیں ہے سیف زباں رہے گی معرکے میں آتش آبرو تیری
English rendering
Khusha woh dil ke ho jis dil mein aarzoo teri Khusha dimaagh jise taza rakhe boo teri Phire hain mashriq-o-maghrib se ta junoob-o-shimaal Talaash ki hai sanam humne chaar soo teri Shab-e-firaq mein ek dam nahin qaraar aaya Khuda gawaah hai, shaahid hai aarzoo teri Dimaagh apna bhi ae gulbadan mu'attar hai Saba hi ke nahin hisse mein aayi boo teri Meri taraf se saba kehiyo mere Yusuf se Nikal chali hai bahut pairahan se boo teri Shab-e-firaq mein, ae roz-e-wasl, ta dam-e-subh Chiragh haath mein hai aur justujoo teri Jo abr girya-kunaan hai to barq khanda-zanaa Kisi mein khoo hai hamari, kisi mein khoo teri Kisi taraf se to niklega aakhir ae shah-e-husn Faqeer dekhte hain raah koo ba koo teri Zamane mein koi tujh sa nahin hai Saif-e-zabaan Rahegi ma'arke mein Atash aabroo teri