حیدر علی آتش

English rendering

Aaina khaana karenge dil-e-nakaam ko hum Pherenge apni taraf roo-e-dil-e-aaraam ko hum Shaam se subh talak daur-e-sharaab aakhir hai Rote hain dekh ke khandaan dahan-e-jaam ko hum Yaad rakhne ki jagah hai yeh tilism-e-hairat Subh ko dekhte hi bhool gaye shaam ko hum Aankh woh fitna-e-dauraan kise dikhlata hai Shobada jaante hain gardish-e-ayyam ko hum Fitna-angezi bhi chhupti hai kaheen parde mein Sunte hain gabr o musalmaan se tere naam ko hum Khoon-e-qaasid to woh saffak samajhta hai halaal Kisi ghammaaz se bhijwaayenge paighaam ko hum Paaon pakde hain zameen ne yeh tere kooche ki Rah-e-sad saala samajhte hain ab ek gaam ko hum Deeda-e-yaar kaheen kya use kaif-e-mai mein Bhoon kar roz gazak karte hain baadaam ko hum Beza-e-khat se hui us ki kudurat dah chand Ab safaai ke liye dhoondenge hajjaam ko hum Yehi tehseel-e-mohabbat ka hai aalam ta haal Pukhta karte hain hunoz aarzoo-e-khaam ko hum Lutf haasil ho jo zulfon mein giraftaari ka Mol lein dil ki aseeri ke liye daam ko hum Koocha-e-yaar mein apna jo guzar hota hai Nigraan rehte hain hasrat se dar o baam ko hum Husn se ishq ki khaatir hai Khuda ne bheja Karte hain Atish use aaye hain jis kaam ko hum