آشنا گوش سے اس گل کے سخن ہے کس کا
آشنا گوش سے اس گل کے سخن ہے کس کا کچھ زباں سے کہے کوئی یہ دہن ہے کس کا پیشتر حشر سے ہوتی ہے قیامت برپا جو چلن چلتے ہیں خوش قد یہ چلن ہے کس کا دست قدرت نے بنایا ہے تجھے اے محبوب ایسا ڈھالا ہوا سانچے میں بدن ہے کس کا کس طرح تم سے نہ مانگیں تمہیں انصاف کرو بوسہ لینے کا سزا وار دہن ہے کس کا شادیٔ مرگ سے پھولا میں سمانے کا نہیں گور کہتے ہیں کسے نام کفن ہے کس کا دہن تنگ ہے موہوم یقیں ہے کس کو کمر یار ہے معدوم یہ ظن ہے کس کا مفسدے جو کہ ہوں اس چشم سیہ سے کم ہیں فتنہ پردازی جسے کہتے ہیں فن ہے کس کا ایک عالم کو ترے عشق میں سکتا ہوگا صاف آئینہ سے شفاف بدن ہے کس کا حسن سے دل تو لگا عشق کا بیمار تو ہو پھر یہ عناب لب و سیب ذقن ہے کس کا گلشن حسن سے بہتر کوئی گل زار نہیں سنبل اس طرح کا پر پیچ و شکن ہے کس کا باغ عالم کا ہر اک گل ہے خدا کی قدرت باغباں کون ہے اس کا یہ چمن ہے کس کا خاک میں اس کو ملاؤں اسے برباد کروں جان کس کی ہے مری جان یہ تن ہے کس کا سرو سا قد ہے نہیں مد نظر کا میرے گل سا رخ کس کا ہے غنچہ سا دہن ہے کس کا کیوں نہ بے ساختہ بندے ہوں دل و جاں سے نثار قدرت اللہ کی بے ساختہ پن ہے کس کا آج ہی چھوٹے جو چھٹتا یہ خرابہ کل ہو ہم غریبوں کو ہے کیا غم یہ وطن ہے کس کا یار کو تم سے محبت نہیں تو اے آتشؔ خط میں القاب یہ پھر مشفق من ہے کس کا
English rendering
Aashna gosh se us gul ke sukhan hai kis ka Kuch zaban se kahe koi ye dahan hai kis ka Pesh'tar hashr se hoti hai qayamat barpa Jo chalan chalte hain khush-qad ye chalan hai kis ka Dast-e-qudrat ne banaya hai tujhe aye mehboob Aisa dhala hua sanche mein badan hai kis ka Kis tarah tum se na maangen tumhin insaf karo Bosa lene ka saza war dahan hai kis ka Shadi-e-marg se phoola main samane ka nahin Gaur kehte hain kise naam-e-kafan hai kis ka Dahan tang hai mauhoom yaqin hai kis ko Kamar-e-yar hai ma'doom ye zann hai kis ka Mafsade jo keh hon us chashm-e-siyah se kam hi hain Fitna pardazi jise kehte hain fan hai kis ka Ek alam ko tere ishq mein sakta hoga Saaf aaine se shaffaf badan hai kis ka Husn se dil to laga ishq ka beemar to ho Phir ye annabi lab-o-saib-e-zaqan hai kis ka Gulshan-e-husn se behtar koi gulzar nahin Sanbal is tarah ka pur-pech-o-shikan hai kis ka Bagh-e-alam ka har ek gul hai Khuda ki qudrat Baghban kaun hai is ka ye chaman hai kis ka Khak mein us ko milaoon use barbad karoon Jaan kis ki hai meri jaan ye tan hai kis ka Sarv sa qad hai nahin madd-e-nazar ka mere Gul sa rukh kis ka hai ghuncha sa dahan hai kis ka Kyun na be-sakhta bande hoon dil-o-jaan se nisar Qudrat Allah ki be-sakhta-pan hai kis ka Aaj hi chhote jo chhuṭta ye kharabah kal ho Hum gharibon ko hai kya gham ye watan hai kis ka Yaar ko tum se mohabbat nahin to aye Atish Khat mein alqab ye phir mushfiq-e-man hai kis ka