ایسی وحشت نہیں دل کو کہ سنبھل جاؤں گا
ایسی وحشت نہیں دل کو کہ سنبھل جاؤں گا صورت پیرہن تنگ نکل جاؤں گا وہ نہیں ہوں کہ رکھائی سے جو ٹل جاؤں گا آج جاتا تھا تو ضد سے تری کل جاؤں گا شام ہجراں کسی صورت سے نہیں ہوتی صبح منہ چھپا کر میں اندھیرے میں نکل جاؤں گا کھینچ کر تیغ کمر سے کسے دکھلاتے ہو ناف معشوق نہیں ہوں جو میں ٹل جاؤں گا شب ہجر اپنی سیاہی کسے دکھلاتی ہے کچھ میں لڑکا تو نہیں ہوں کہ دہل جاؤں گا کوچۂ یار کا سودا ہے مرے سر کے ساتھ پاؤں تھک تھک کے ہوں ہر چند کہ شل جاؤں گا ضبط بیتابیٔ دل کی نہیں طاقت باقی کوہ صبر اب یہ صدا دیتا ہے ٹل جاؤں گا طالع بد کے اثر سے یہ یقیں ہے مجھ کو تیری حسرت ہی میں اے حسن عمل جاؤں گا چار دن زیست کے گزریں گے تأسف میں مجھے حال دل پر کف افسوس میں مل جاؤں گا شعلہ رویوں کو نہ دکھلاؤ مجھے اے آنکھو موم سے نرم مرا دل ہے پگھل جاؤں گا حال پیری کسے معلوم جوانی میں تھا کیا سمجھتا تھا میں دو دن میں بدل جاؤں گا وہی دیوانگی میری ہے بہار آنے دو دیکھ کر لڑکوں کی صورت کو بہل جاؤں گا شیر ڈھلتے ہیں مری فکر سے آج اے آتشؔ مر کے کل گور کے سانچے میں میں ڈھل جاؤں گا
English rendering
Aisi wahshat nahin dil ko ke sambhal jāooñ ga Soorat-e-pairāhan-e-tang nikal jāooñ ga Wo nahin huñ ke rakhā'i se jo Tal jāooñ ga Aaj jaata tha to zid se teri kal jāooñ ga Shām-e-hijrāñ kisi soorat se nahin hoti subh Muñh chhupā kar main andhere mein nikal jāooñ ga Kheench kar tegh kamar se kise dikhlāte ho Nāf-e-ma'ashūq nahin huñ jo main Tal jāooñ ga Shab-e-hijr apni siyāhi kise dikhlāti hai Kuchh main laRka to nahin huñ ke dahl jāooñ ga Koocha-e-yār ka sauda hai mere sar ke saath Pāooñ thak thak ke hoñ har chand ke shal jāooñ ga Zabt-e-betaabi-e-dil ki nahin tāqat bāqi Koh-e-sabr ab ye sadā deta hai Tal jāooñ ga Tāle'-e-bad ke asar se ye yaqeeñ hai mujh ko Teri hasrat hi mein ae husn-e-amal jāooñ ga Chār din zeest ke guzreñ ge ta'assuf mein mujhe Haal-e-dil par kaf-e-afsos mein mil jāooñ ga Sha'la-rooiyoñ ko na dikhlāo mujhe ae ānkho Mom se narm mera dil hai pighal jāooñ ga Haal-e-pīri kise ma'loom jawāni mein tha Kya samajhtā tha main do din mein badal jāooñ ga Wohi deewāngi meri hai bahār āne do Dekh kar laRkoñ ki soorat ko bahal jāooñ ga She'r dhalte hain meri fikr se aaj ae Atish! Mar ke kal gor ke sāñche mein main dhal jāooñ ga