عناب لب کا اپنے مزا کچھ نہ پوچھئے
عناب لب کا اپنے مزا کچھ نہ پوچھئے کس درد کے ہیں آپ دوا کچھ نہ پوچھئے ناز و نیاز عاشق و معشوق کیا کہوں عجز و غرور شاہ و گدا کچھ نہ پوچھئے خوشبو سے ہو رہا ہے معطر دماغ جان چلتی ہے کس طرف کی ہوا کچھ نہ پوچھئے کیا کیا نگہ پھسلتی ہے رخسار یار پر کیسا یہ آئنہ ہے صفا کچھ نہ پوچھئے جامہ سے باہر اپنے جو ہوں میں عجب نہیں کھولے ہیں کس کے بند قبا کچھ نہ پوچھئے آئینہ لے کے کیجئے اتنا مشاہدہ ہم سے سلوک شرم و حیا کچھ نہ پوچھئے اللہ نے کیا ہے کسے بادشاہ حسن سر پر ہے کس کے ظل ہما کچھ نہ پوچھئے رنگیں کیے ہیں یار نے جیسے کہ دست و پا کیا رنگ لا رہی ہے حنا کچھ نہ پوچھئے ناگفتنی ہے عشق بتاں کا معاملہ ہر حال میں ہے شکر خدا کچھ نہ پوچھئے کیا شے ہے وہ کمر جو گزرتا ہے یہ خیال آتی ہے غیب سے یہ صدا کچھ نہ پوچھئے کوتاہ خال روئے منور ہے کس قدر کتنی ہے زلف یار رسا کچھ نہ پوچھئے آتشؔ گناہ عشق کی تعزیر کیا کہوں مشفق جو کچھ ہے اس کی سزا کچھ نہ پوچھئے
English rendering
Anab lab ka apne maza kuch na poochhiye Kis dard ke hain aap dawa kuch na poochhiye Naz-o-niyaaz-e-aashiq-o-mashooq kya kahun Ajz-o-ghuroor-e-shah-o-gada kuch na poochhiye Khushboo se ho raha hai muattar dimagh-e-jaan Chalti hai kis taraf ki hawa kuch na poochhiye Kya kya nigah phisalti hai rukhsaar-e-yaar par Kaisa yeh aaina hai safa kuch na poochhiye Jaama se bahar apne jo hoon main ajab nahin Khole hain kis ke band-e-qaba kuch na poochhiye Aaina le ke keejiye itna mushahida Hum se sulook-e-sharm-o-haya kuch na poochhiye Allah ne kiya hai kise badshah-e-husn Sar par hai kis ke zill-e-huma kuch na poochhiye Rangeen kiye hain yaar ne jaise ke dast-o-pa Kya rang la rahi hai hina kuch na poochhiye Na guftani hai ishq-e-butan ka muamla Har haal mein hai shukr-e-Khuda kuch na poochhiye Kya shai hai woh kamar jo guzarta hai yeh khayal Aati hai ghaib se yeh sada kuch na poochhiye Kootah khaal-e-roo-e-munawwar hai kis qadar Kitni hai zulf-e-yaar-e-rasa kuch na poochhiye Atish gunah-e-ishq ki ta'zeer kya kahun Mushfiq jo kuch hai us ki saza kuch na poochhiye