بلائے جاں مجھے ہر ایک خوش جمال ہوا
بلائے جاں مجھے ہر ایک خوش جمال ہوا چھری جو تیز ہوئی پہلے میں حلال ہوا گرو ہوا تو اسے چھوٹنا محال ہوا دل غریب مرا مفلسوں کا مال ہوا کمی نہیں تری درگاہ میں کسی شے کی وہی ملا ہے جو محتاج کا سوال ہوا دکھا کے چہرۂ روشن وہ کہتے ہیں سر شام وہ آفتاب نہیں ہے جسے زوال ہوا دکھا نہ دل کو صنم اتحاد رکھتا ہوں مجھے ملال ہوا تو تجھے ملال ہوا بجھایا آنکھوں نے وہ رخ تلاش مضموں میں خیال یار مرا شعر کا خیال ہوا ترے شہید کے جیب کفن میں اے قاتل گلال سے بھی ہے رنگ عبیر لال ہوا بلند خاک نشینی نے قدر کی میری عروج مجھ کو ہوا جب کہ پائمال ہوا غضب میں یار کے شان کرم نظر آئی بنایا سرو چراغاں جسے نہال ہوا یقیں ہے دیکھتے صوفی تو دم نکل جاتا ہمارے وجد کے عالم میں ہے جو حال ہوا وہ ناتواں تھا ارادہ کیا جو کھانے کا غم فراق کے دانتوں میں میں خلال ہوا کیا ہے زار یہ تیری کمر کے سودے نے پڑا جو عکس مرا آئینہ میں بال ہوا دکھانی تھی نہ تمہیں چشم سرمگیں اپنی نگاہ ناز سے وحشت زدہ غزال ہوا دہان یار کے بوسہ کی دل نے رغبت کی خیال خام کیا طالب محال ہوا رہا بہار و خزاں میں یہ حال سودے کا بڑھا تو زلف ہوا گھٹ گیا تو خال ہوا جنوں میں عالم طفلی کی بادشاہت کی کھلونا آنکھوں میں اپنی ہر اک غزال ہوا سنا جمیل بھی تیرا جو نام اے محبوب ہزار جان سے دل بندۂ جمال ہوا لکھا ہے عاشقوں میں اپنے تو نے جس کا نام پھر اس کا چہرہ نہیں عمر بھر بحال ہوا گنہ کسی نے کیا تھرتھرایا دل اپنا عرق عرق ہوئے ہم جس کو انفعال ہوا ترے دہان و کمر کا جو ذکر آیا یار گمان و وہم کو کیا کیا نہ احتمال ہوا کمال کون سا ہے وہ جسے زوال نہیں ہزار شکر کہ مجھ کو نہ کچھ کمال ہوا تمہاری ابرو کج کا تھا دوج کا دھوکا سیاہ ہوتا اگر عید کا ہلال ہوا دیا جو رنج ترے عشق نے تو راحت تھی فراق تلخ تو شیریں مجھے وصال ہوا وہی ہے لوح شکست طلسم جسم آتشؔ جب اعتدال ناصر میں اختلال ہوا
English rendering
Bala-e-jaan mujhe har ek khush-jamaal hua Chhuri jo tez hui pehle main halaal hua Giro hua to usay chhootna mahaal hua Dil-e-gareeb mera muflison ka maal hua Kami nahin teri dargah mein kisi shai ki Wohi mila hai jo mohtaaj ka sawaal hua Dikha ke chehra-e-raushan woh kehte hain sar-e-shaam Woh aaftaab nahin hai jise zawaal hua Dikha na dil ko sanam ittihad rakhta hun Mujhe malaal hua to tujhe malaal hua Bujhaya aankhon ne woh rukh talaash-e-mazmoon mein Khayal-e-yaar mera sher ka khayal hua Tere shaheed ke jaib-e-kafan mein ae qatil Gulaal se bhi hai rang-e-abeer laal hua Buland khaak-nasheeni ne qadar ki meri Urooj mujh ko hua jab ke paayemaal hua Ghazab mein yaar ke shaan-e-karam nazar aayi Banaya sarv-e-chiraghaan jise nihaal hua Yaqeen hai dekhte soofi to dam nikal jaata Hamare wajd ke aalam mein hai jo haal hua Woh naatavaan tha iraada kiya jo khaane ka Gham-e-firaaq ke daanton mein main khilaal hua Kiya hai zaar yeh teri kamar ke saude ne Pada jo aks mera aayina mein baal hua Dikhaani thi na tumhein chashm-e-surmageen apni Nigaah-e-naaz se wahshat-zada ghazaal hua Dahan-e-yaar ke bosa ki dil ne raghbat ki Khayal-e-khaam kiya taalib-e-mahaal hua Raha bahar-o-khizaan mein yeh haal saude ka Badha to zulf hua ghat gaya to khaal hua Junoon mein aalam-e-tifli ki baadshahat ki Khilauna aankhon mein apni har ik ghazaal hua Suna jameel bhi tera jo naam ae mehboob Hazaar jaan se dil banda-e-jamaal hua Likha hai aashiqon mein apne tu ne jis ka naam Phir us ka chehra nahin umar bhar bahaal hua Gunah kisi ne kiya thartharaya dil apna Araq araq hue hum jis ko infi'aal hua Tere dahan-o-kamar ka jo zikr aaya yaar Gumaan-o-wahm ko kya kya na ihtimaal hua Kamaal kaun sa hai woh jise zawaal nahin Hazaar shukr ke mujh ko na kuchh kamaal hua Tumhaari abroo-e-kaj ka tha dooj ka dhoka Siyah hota agar Eid ka hilal hua Diya jo ranj tere ishq ne to raahat thi Firaaq-e-talkh to shireen mujhe wisaal hua Wohi hai loh-e-shikast-e-tilism-e-jism Atish! Jab i'tedaal-e-Nasir mein ikhtilaal hua