برگشتہ طالعی کا تماشا دکھاؤں میں
برگشتہ طالعی کا تماشا دکھاؤں میں گھر کو لگے جو آگ تو پانی بجھاؤں میں جنس گراں بہا کا خریدار کون ہے یکتا نہیں الٰہی جو چوری ہی جاؤں میں لالہ رخوں کے حسن کا بھوکا ہوں اس قدر دل ہو نہ سیر لاکھ اگر داغ کھاؤں میں آنکھیں مری کرے جو منور جمال یار گھی کے چراغ طور کے اوپر جلاؤں میں مردے کی طرح سوتے ہیں کیسے مرے نصیب ٹھوکر سے پائے یار کے ان کو جگاؤں میں بوسہ ملے کماں کا جو ابروئے یار کی محراب بیت کعبہ میں چلا چڑھاؤں میں جی چاہتا ہے شوق شہادت میں قبل مرگ بنوا کے قبر لالہ کو اس پر لگاؤں میں گھر میں جو مجھ فقیر کے وہ شاہ حسن آئے مژگاں کے بوریے جو کھڑے ہیں بچھاؤں میں کانٹا سکھا کے ہجر نے ہر چند کر دیا وہ گل بدن ملے تو نہ پھولا سماؤں میں تم تو غریب خانہ میں آئے نہ ایک روز فرمائیے تو شب کو کسی وقت آؤں میں باریک بیں ہوں شاعر نازک خیال ہوں مضموں جہاں کمر کا ملے باندھ لاؤں میں آتشؔ غلام ساقی کوثر ہوں چاہئے فردوس کا کھلا ہوا دروازہ پاؤں میں
English rendering
Bargushta tale'i ka tamasha dikhaoon main Ghar ko lage jo aag toh paani bujhaoon main Jins-e-giraan baha ka khareedar kaun hai Yakta nahin Ilahi jo chori hi jaoon main Lala rukhon ke husn ka bhooka hoon is qadar Dil ho na sair lakh agar daagh khao'on main Aankhen meri kare jo munawwar jamal-e-yaar Ghee ke chiragh Toor ke upar jalaoon main Murde ki tarah sotey hain kaise mere naseeb Thokar se paa-e-yaar ke un ko jagaoon main Bosa mile kaman ka jo abroo-e-yaar ki Mehraab-e-bait-e-Kaaba mein chala chadhaoon main Jee chahta hai shauq-e-shahadat mein qabl-e-marg Banwa ke qabr lala ko is par lagaoon main Ghar mein jo mujh faqeer ke woh shaah-e-husn aaye Mizhgan ke boriye jo khade hain bichhaoon main Kaanta sukha ke hijr ne har chand kar diya Woh gulbadan mile toh na phoola samaoon main Tum toh ghareeb khana mein aaye na ek roz Farmaiye toh shab ko kisi waqt aaoon main Baareek been hoon shair-e-naazuk khayal hoon Mazmoon jahan kamar ka mile baandh laaoon main Atish ghulam-e-saaqi-e-kauthar hoon chahiye Firdous ka khula hua darwaza paaoon main