بازار دہر میں تری منزل کہاں نہ تھی
بازار دہر میں تری منزل کہاں نہ تھی یوسف نہ جس میں ہو کوئی ایسی دکاں نہ تھی زردی نے میرے رنگ کی مجھ کو رلا دیا ہنسوائے جو کسی کو یہ وہ زعفراں نہ تھی ظاہر سے خوب رویوں کا باطن خلاف تھا شیریں لبوں کی طرح سے ان کی زباں نہ تھی منزل ہی دور ہے جو یہ پہنچی نہیں ہنوز دم لینے والی راہ میں عمر رواں نہ تھی دکھلائی سیر آنکھوں کو بام مراد کی ایسی کوئی کمند کوئی نردباں نہ تھی قوس قزح سے ہم نے بھی تشبیہ دی اسے چلہ نہ ہونے سے جو وہ ابرو کماں نہ تھی آگاہ جذب عشق زلیخا سے تھا نہ حسن یوسف کو چاہ میں خبر کارواں نہ تھی یاد آ گئی جو سلک گہر تیرے گوش کی سوہان روح تھی مجھے شب کہکشاں نہ تھی رہ جانا پیچھے جسم کا جاں سے عجب نہیں کس کارواں کی گرد پس کارواں نہ تھی نا فہمی کی دلیل ہے یہ سجدہ سے آیا ابلیس کو حقیقت آدم عیاں نہ تھی عاشق کے سر کے ساتھ ہے سودائے کوئے یار مومن نہ تھا وہ جس کو ہوائے جناں نہ تھی بانگ جرس سے آگے ہر اک کا قدم رہا گرد اپنے کارواں کے پس کارواں نہ تھی افسوس کیا جوانیٔ رفتہ کا کیجیے وہ کون سی بہار تھی جس کو خزاں نہ تھی نالوں سے ایک دن نہ کئے گرم گوش یار آتشؔ مگر تمہارے دہن میں زباں نہ تھی
English rendering
Bazaar-e-dahr mein teri manzil kahan na thi Yusuf na jis mein ho koi aisi dukan na thi Zardi ne mere rang ki mujh ko rula diya Hanswaye jo kisi ko yeh woh zafran na thi Zahir se khoob royon ka baatin khilaf tha Shireen labon ki tarah se un ki zubaan na thi Manzil hi door hai jo yeh pahunchi nahin hanooz Dam lene wali raah mein umr-e-rawan na thi Dikhlayi sair aankhon ko baam-e-murad ki Aisi koi kamand koi nardaban na thi Qaus-e-qazaa se hum ne bhi tashbeeh di use Chilla na hone se jo woh abroo kaman na thi Aagah jazb-e-ishq-e-Zulekha se tha na husn Yusuf ko chah mein khabar-e-karwan na thi Yaad aa gayi jo silk-e-gauhar tere gosh ki Soohaan-e-rooh thi mujhe shab-e-kahkashan na thi Reh jaana peechhe jism ka jaan se ajab nahin Kis karwan ki gard pas-e-karwan na thi Na fehmi ki daleel hai yeh sajde se aaya Iblees ko haqeeqat-e-Adam ayaan na thi Aashiq ke sar ke saath hai sauda-e-koo-e-yaar Momin na tha woh jis ko hawa-e-jinaan na thi Baang-e-jaras se aage har ik ka qadam raha Gard apne karwan ke pas-e-karwan na thi Afsoos kya jawani-e-rafta ka keejiye Woh kaun si bahar thi jis ko khizan na thi Naalon se ek din na kiye garm gosh-e-yaar Atish magar tumhare dahan mein zubaan na thi