بلبل گلوں سے دیکھ کے تجھ کو بگڑ گیا
بلبل گلوں سے دیکھ کے تجھ کو بگڑ گیا قمری کا طوق سرو کی گردن میں پڑ گیا چیں بر جبیں نہ اے بت چین رہ غرور سے تصویر کا ہے عیب جو چہرہ بگڑ گیا آئی تو ہے پسند اسے چال یار کی سن لیجو پاؤں کبک دری کا اکھڑ گیا پیچھے ہٹا نہ کوچۂ قاتل سے اپنا پاؤں سر سے تڑپ کے چار قدم آگے دھڑ گیا کھینچی جو میری طرح سے قمری نے آہ سرد جاڑے کے مارے سرو چمن میں اکڑ گیا شیریں کے شیفتہ ہوئے پرویز و کوہ کن شاعر ہوں میں یہ کہتا ہوں مضمون لڑ گیا اللہ رے شوق اپنی جبیں کو خبر نہیں اس بت کے آستانہ کا پتھر رگڑ گیا درماں سے اور درد ہمارا ہوا دو چند مرہم سے داغ سینہ میں ناسور پڑ گیا گلدستہ بن کے رونق بزم شہاں ہوا کوڑا جو اس فقیر کے تکیے سے جھڑ گیا نکلا نہ جسم سے دل نالاں شریک روح منزل میں رنگ ناقہ سے اپنے بچھڑ گیا پہنچا مجاز سے جو حقیقت کی کنہ کو یہ جان لے کہ راستے میں پھیر پڑ گیا فرقت کی شب میں زیست نے اپنی وفا نہ کی قبل سحر چراغ ہمارا نہ بڑھ گیا پاتا ہوں شوق وصل میں احباب کی کمی حسن و جمال یار میں کچھ فرق پڑ گیا لاشوں کو عاشقوں کے نہ اٹھوا گلی سے یار بسنے کا پھر یہ گاؤں نہیں جب اجڑ گیا دیکھا تجھے جو خون شہیداں سے سرخ پوش ترک فلک زمیں میں خجالت سے گڑ گیا برسوں کی راہ آ کے عزیزاں نکل گئے افسوس کارواں سے میں اپنے بچھڑ گیا آیا جو شرح لعل لب یار کا خیال جھنڈا قلم کا اپنے بدخشاں میں گڑ گیا میں نے لیا بغل میں پری رو وصال کو دیو فراق کشتی میں مجھ سے بچھڑ گیا آتشؔ نہ پوچھ حال تو مجھ درد مند کا سینہ میں داغ داغ میں ناسور پڑ گیا
English rendering
Bulbul gulon se dekh ke tujh ko bigad gaya Qumri ka tauq sarv ki gardan mein pad gaya Cheen bar jabeen na aye but-e-cheen reh ghuroor se Tasveer ka hai aib jo chehra bigad gaya Aayi toh hai pasand use chaal-e-yaar ki Sun lijo paaon kabk-e-dari ka ukhad gaya Peechhe hata na koocha-e-qaatil se apna paaon Sar se tadap ke chaar qadam aage dhad gaya Kheenchi jo meri tarah se qumri ne aah-e-sard Jaade ke maare sarv chaman mein akad gaya Shireen ke shaifta hue Parvez-o-kohkan Sha'ir hoon main yeh kehta hoon mazmoon lad gaya Allah re shauq apni jabeen ko khabar nahin Is but ke aastana ka patthar ragad gaya Darman se aur dard hamara hua do chand Marham se daagh-e-seena mein naasoor pad gaya Guldasta ban ke raunaq-e-bazm-e-shahan hua Kooda jo is faqeer ke takiye se jhad gaya Nikla na jism se dil-e-nalan shareek-e-rooh Manzil mein rang-e-naaqa se apne bichhad gaya Pahuncha majaaz se jo haqeeqat ki kunh ko Yeh jaan le ke raaste mein pher pad gaya Furqat ki shab mein zeest ne apni wafa na ki Qabl-e-sahar chiragh hamara na badh gaya Paata hoon shauq-e-vasl mein ahbaab ki kami Husn-o-jamal-e-yaar mein kuch farq pad gaya Lashon ko aashiqon ke na uthawa gali se yaar Basne ka phir yeh gaaon nahin jab ujad gaya Dekha tujhe jo khoon-e-shaheedan se surkh-posh Turk-e-falak zameen mein khajalat se gad gaya Barson ki raah aa ke azeezan nikal gaye Afsoos karwan se main apne bichhad gaya Aaya jo sharh-e-la'l-e-lab-e-yaar ka khayal Jhanda qalam ka apne Badakhshan mein gad gaya Main ne liya baghal mein pari ro visal ko Dev-e-firaq kashti mein mujh se bichhad gaya Atish na poochh haal tu mujh dardmand ka Seena mein daagh daagh mein naasoor pad gaya