بلبل کو خار خار دبستاں ہے ان دنوں
بلبل کو خار خار دبستاں ہے ان دنوں ہر طفل کی بغل میں گلستاں ہے ان دنوں زنار عشق بت میں رگ جاں ہے ان دنوں ناقوس برہمن دل نالاں ہے ان دنوں آباد میرا خانۂ ویراں ہے ان دنوں سیلاب مجھ غریب کا مہماں ہے ان دنوں دامن ہے اپنے ہاتھ میں اک رشک ماہ کا پیش نظر ہلال گریباں ہے ان دنوں باغ جہاں میں جو ہے گرفتار ہے ترا آزاد ایک سرو گلستاں ہے ان دنوں کہتے ہیں ہم زمین میں مجنوں کی اب غزل ہر بیت اپنی خانۂ زنداں ہے ان دنوں کافر ہو اے صنم جو خریدے نہ تو اسے مہندی کے مول خون مسلماں ہے ان دنوں ہنگامہ حسن و عشق کا ہے گرم آج کل بہت دیوانہ پری ہے جو انساں ہے ان دنوں مستی کا ان لبوں کے فسانہ کہاں نہیں مجلس نہیں وہ جو نہیں حیراں ہے ان دنوں صدقے چکور ہوتے ہیں رخسار یار کے وہ ماہ چار دہ مہ تاباں ہے ان دنوں آتا ہے سیر باغ کو وہ گوہر مراد پھیلائے گل کے پاس جو داماں ہے ان دنوں قد سرو چہرہ گل ہے تو سنبل ہیں موئے یار گھر خانہ باغ ہے جو وہ مہماں ہے ان دنوں جوہر شناس جمع ہیں آتشؔ ہے معرکہ شمشیر ہے وہی کہ جو عریاں ہے ان دنوں
English rendering
Bulbul ko khaar khaar-e-dabistaan hai in dinon Har tifl ki baghal mein gulistaan hai in dinon Zunnar-e-ishq-e-but mein rag-e-jaan hai in dinon Naaqoos-e-Brahman dil-e-naalaan hai in dinon Aabaad mera khana-e-veeraan hai in dinon Sailaab mujh ghareeb ka mehmaan hai in dinon Daaman hai apne haath mein ik rashk-e-maah ka Paish-e-nazar hilaal-e-girebaan hai in dinon Baagh-e-jahaan mein jo hai giraftaar hai tera Azaad ek sarv-e-gulistaan hai in dinon Kehte hain hum zameen mein Majnoon ki ab ghazal Har bayt apni khana-e-zindaan hai in dinon Kaafir ho aye sanam jo khareede na tu use Mehndi ke mol khoon-e-musalmaan hai in dinon Hangama-e-husn o ishq ka hai garam aaj kal bahut Deewana pari hai jo insaan hai in dinon Masti ka in labon ke fasaana kahan nahin Majlis nahin woh jo nahin hairaan hai in dinon Sadqe chakor hote hain rukhsaar-e-yaar ke Woh maah-e-chaar dah mah-e-taabaan hai in dinon Aata hai sair-e-baagh ko woh gauhar-e-muraad Phailaaye gul ke paas jo daamaan hai in dinon Qad sarv chehra gul hai to sumbul hain moo-e-yaar Ghar khana baagh hai jo woh mehmaan hai in dinon Jauhar shanaas jama hain Atish hai maarka Shamshir hai wohi ke jo uryaan hai in dinon