دہن پر ہیں ان کے گماں کیسے کیسے
دہن پر ہیں ان کے گماں کیسے کیسے کلام آتے ہیں درمیاں کیسے کیسے زمین چمن گل کھلاتی ہے کیا کیا بدلتا ہے رنگ آسماں کیسے کیسے تمہارے شہیدوں میں داخل ہوئے ہیں گل و لالہ و ارغواں کیسے کیسے بہار آئی ہے نشہ میں جھومتے ہیں مریدان پیر مغاں کیسے کیسے عجب کیا چھٹا روح سے جامۂ تن لٹے راہ میں کارواں کیسے کیسے تپ ہجر کی کاہشوں نے کئے ہیں جدا پوست سے استخواں کیسے کیسے نہ مڑ کر بھی بے درد قاتل نے دیکھا تڑپتے رہے نیم جاں کیسے کیسے نہ گور سکندر نہ ہے قبر دارا مٹے نامیوں کے نشاں کیسے کیسے بہار گلستاں کی ہے آمد آمد خوشی پھرتے ہیں باغباں کیسے کیسے توجہ نے تیری ہمارے مسیحا توانا کئے ناتواں کیسے کیسے دل و دیدۂ اہل عالم میں گھر ہے تمہارے لیے ہیں مکاں کیسے کیسے غم و غصہ و رنج و اندوہ و حرماں ہمارے بھی ہیں مہرباں کیسے کیسے ترے کلک قدرت کے قربان آنکھیں دکھائے ہیں خوش رو جواں کیسے کیسے کرے جس قدر شکر نعمت وہ کم ہے مزے لوٹتی ہے زباں کیسے کیسے
English rendering
Dahan par hain un ke gumaan kaise kaise Kalaam aate hain darmiyan kaise kaise Zameen-e-chaman gul khilati hai kya kya Badalta hai rang aasmaan kaise kaise Tumhare shaheedon mein daakhil hue hain Gul-o-lala-o-arghawan kaise kaise Bahar aayi hai nasha mein jhoomte hain Mureedan-e-peer-e-mughan kaise kaise Ajab kya chhuta rooh se jama-e-tan Lute raah mein karwan kaise kaise Tap-e-hijr ki kaahishon ne kiye hain Juda post se ustukhwan kaise kaise Na mud kar bhi bedard qatil ne dekha Tadapte rahe neem jaan kaise kaise Na gor-e-Sikandar na hai qabr-e-Dara Mite namiyon ke nishaan kaise kaise Bahar-e-gulistan ki hai aamad aamad Khushi phirte hain baghban kaise kaise Tawajjuh ne teri hamare maseeha Tawana kiye natwaan kaise kaise Dil-o-deeda-e-ahl-e-alam mein ghar hai Tumhare liye hain makan kaise kaise Gham-o-ghussa-o-ranj-o-andoh-o-hirman Hamare bhi hain meherban kaise kaise Tere kilk-e-qudrat ke qurban aankhein Dikhaye hain khush-ru jawan kaise kaise Kare jis qadar shukr-e-nemat wo kam hai Maze loot-ti hai zabaan kaise kaise