دیوانگی نے کیا کیا عالم دکھا دیے ہیں
دیوانگی نے کیا کیا عالم دکھا دیے ہیں پریوں نے کھڑکیوں کے پردے اٹھا دیے ہیں اللہ رے فروغ اس رخسار آتشیں کا شمعوں کے رنگ مثل کافور اڑا دیے ہیں آتش نفس ہوا ہے گل زار کی ہمارے بجلی گری ہے غنچے جب مسکرا دیے ہیں سو بار گل کو اس نے تلووں تلے ملا ہے کٹوا کے سرو شمشاد اکثر جلا دیے ہیں انسان خوبرو سے باقی رہے تفاوت اس واسطے پری کو دو پر لگا دیے ہیں ابروئے کج سے خون عشاق کیا عجب ہے تلوار نے نشان لشکر مٹا دیے ہیں کس کس کو خوب کہئے اللہ نے بتوں کو کیا گوش و چشم کیا لب کیا دست و پا دیے ہیں بے یار بام پر جو وحشت میں چڑھ گیا ہوں پرنالے روتے روتے میں نے بہا دیے ہیں وصف کمان ابرو جو کیجیے سو کم ہے بے تیر بسملوں کے تودے لگا دیے ہیں رویا ہوں یاد کر کے میں تیری تند خوئی صرصر نے جب چراغ روشن بجھا دیے ہیں سوز دل و جگر کی شدت پھر آج کل ہے پھر پہلوؤں کے تکیے مشعل بنا دیے ہیں شمعوں کو تو نے دل سے پروانوں کے اتارا آنکھوں سے بلبلوں کی گلشن گرا دیے ہیں وہ بادہ کش ہوں میری آواز پا کو سن کر شیشوں نے سر حضور ساغر جھکا دیے ہیں اشکوں سے خانۂ تن آتشؔ خراب ہوگا قصر سپہر رفعت باراں نے ڈھا دیے ہیں
English rendering
Deewangi ne kya kya aalam dikha diye hain Pariyon ne khidkiyon ke parde utha diye hain Allah re farogh is rukhsaar-e-aatishin ka Shamon ke rang misl-e-kafoor uda diye hain Aatish-nafas hua hai gulzaar ki hamare Bijli giri hai ghunche jab muskura diye hain Sau baar gul ko us ne talvon tale mila hai Katwa ke sarv-o-shamshad aksar jala diye hain Insaan-e-khub-roo se baaqi rahe tafaavul Is waaste pari ko do par laga diye hain Abroo-e-kaj se khoon-e-ushshaaq kya ajab hai Talwaar ne nishaan-e-lashkar mita diye hain Kis kis ko khoob kahiye Allah ne buton ko Kya gosh-o-chashm kya lab kya dast-o-paa diye hain Be-yaar baam par jo wahshat mein chadh gaya hun Parnaale rote rote main ne baha diye hain Wasf-e-kamaan-e-abroo jo keejiye so kam hai Be-teer bismilon ke tode laga diye hain Roya hun yaad kar ke main teri tund-khuee Sarsar ne jab chiragh-e-raushan bujha diye hain Soz-e-dil-o-jigar ki shiddat phir aaj kal hai Phir pehluon ke takiye mash'al bana diye hain Shamon ko tu ne dil se parwanon ke utaara Aankhon se bulbulon ki gulshan gira diye hain Woh baada-kash hun meri aawaaz-e-paa ko sun kar Sheeshon ne sar huzoor-e-saaghar jhuka diye hain Ashkon se khaana-e-tan Atish! kharab hoga Qasr-e-sepehr-e-rif'at baraan ne dha diye hain