دل لگی اپنی ترے ذکر سے کس رات نہ تھی
دل لگی اپنی ترے ذکر سے کس رات نہ تھی صبح تک شام سے یاہو کے سوا بات نہ تھی التجا تجھ سے کب اے قبلۂ حاجات نہ تھی تیری درگاہ میں کس روز مناجات نہ تھی اب ملاقات ہوئی ہے تو ملاقات رہے نہ ملاقات تھی جب تک کہ ملاقات نہ تھی غنچۂ گل کو نہ ہنسنا تھا تری صورت سے چھوٹے سے منہ کی سزاوار بڑی بات نہ تھی ابتدا سے تجھے موجود سمجھتا تھا میں مرے تیرے کبھی پردے کی ملاقات نہ تھی اے نسیم سحری بہر اسیران قفس تحفہ تر نکہت گل سے کوئی سوغات نہ تھی ان دنوں عشق رلاتا تھا ہمیں صورت ابر کون سی فصل تھی وہ جس میں کہ برسات نہ تھی کیا کہوں اس کے جو مجھ پر کرم پنہاں تھے ظاہری یار سے ہر چند ملاقات نہ تھی اپنے باندھے ہوئے گاتی تجھے دیکھا پھڑکا دل ربا شے تھی مری جان تری گات نہ تھی ایک میں مل گئے اے شاہ سوار اہل نیاز ناز معشوق تھا تو سن کی ترے لات نہ تھی لب کے بوسہ کا ہے انکار تعجب اے یار پھیرے سائل سے جو منہ کو وہ تری ذات نہ تھی کمر یار تھی از بس کہ نہایت نازک سوجھتی بندش مضموں کی کوئی گھات نہ تھی ان دنوں ہوتا تھا تو گھر میں ہمارے شب باش روز روشن سے کم اے مہر لقا رات نہ تھی بے شعوروں نے نہ سمجھا تو نہ سمجھا آتشؔ نکتہ سنجوں کو لطیفہ تھی تری بات نہ تھی
English rendering
Dil lagi apni tere zikr se kis raat na thi Subh tak sham se yaho ke siwa baat na thi Iltija tujh se kab aye qibla-e hajat na thi Teri dargah mein kis roz munajat na thi Ab mulaqat hui hai to mulaqat rahe Na mulaqat thi jab tak ke mulaqat na thi Ghuncha-e gul ko na hansna tha teri surat se Chhote se munh ki saza-waar baDi baat na thi Ibtida se tujhe maujood samajhta tha main Mere tere kabhi parde ki mulaqat na thi Aye naseem-e sahari bahr-e aseeran-e qafas Tohfa-e tar nikhat-e gul se koi saughat na thi In dinon ishq rulata tha hamein surat-e abr Kaun si fasl thi woh jis mein ke barsat na thi Kya kahoon us ke jo mujh par karam-e pinhan the Zahiri yaar se har chand mulaqat na thi Apne bandhe hue gaati tujhe dekha phaDka Dil-ruba shai thi meri jaan teri gaat na thi Ek mein mil gaye aye shah-e sawar ahl-e niyaz Naz-e mashooq tha to sun ki tere lat na thi Lab ke bosa ka hai inkar ta'ajjub aye yaar Phere saail se jo munh ko woh teri zaat na thi Kamar-e yaar thi az bas ke nihayat nazuk Soojhti bandish-e mazmoon ki koi ghaat na thi In dinon hota tha tu ghar mein hamare shab-bash Roz-e roshan se kam aye mehr-laqa raat na thi Be-shauooron ne na samjha to na samjha Atishؔ Nukta-sanjon ko lateefa thi teri baat na thi