دل شہید رہ داماں نہ ہوا تھا سو ہوا
دل شہید رہ داماں نہ ہوا تھا سو ہوا ٹکڑے ٹکڑے جو گریباں نہ ہوا تھا سو ہوا برق بے نور ہے اس رخ کی چمک کے آگے عالم نور کا انساں نہ ہوا تھا سو ہوا رونے پر میرے ہوا ہنس کے وہ گل شرمندہ غنچہ ساں سر بہ گریباں نہ ہوا تھا سو ہوا میں نے رنگیں نہ کیا اس کا تڑپ کر دامن سر جلاد پہ احساں نہ ہوا تھا سو ہوا ہو گیا دیکھ کے قاضی بھی طرف دار اس کا بے گنہ خون مسلماں نہ ہوا تھا سو ہوا ہر زباں پر مری رسوائی کا افسانہ ہے نسخۂ شوق پریشاں نہ ہوا تھا سو ہوا عرق آلودہ جبیں دیکھ کے دل ڈوب گیا شبنم باغ سے طوفاں نہ ہوا تھا سو ہوا قتل کر کے مجھے تلوار کو توڑا اس نے خون ناحق سے پشیماں نہ ہوا تھا سو ہوا یار کے روئے کتابی کی کروں کیا تعریف بعد قرآں کے جو قرآں نہ ہوا تھا سو ہوا آنسو آنکھوں سے نکلتا ہے سو چنگاری ہے پردۂ دل سے نمایاں نہ ہوا تھا سو ہوا آتش عشق سے ہے داغ سراپا میرا آدمی سرو چراغاں نہ ہوا تھا سو ہوا گرد رہ بن کے ہوا صندل پیشانیٔ یار ذرہ خورشید درخشاں نہ ہوا تھا سو ہوا پہروں ہی مصرع سودا ہے رلاتا آتشؔ تجھے اے دیدۂ گریاں نہ ہوا تھا سو ہوا
English rendering
Dil shaheed-e-rah-e-daamaan na hua tha so hua Tukde tukde jo girebaan na hua tha so hua Barq-e-be-noor hai us rukh ki chamak ke aage Alam-e-noor ka insaan na hua tha so hua Rone par mere hua hans ke woh gul sharminda Ghunche saa sar ba girebaan na hua tha so hua Maine rangeen na kiya is ka tadap kar daaman Sar-e-jallad pe ehsaan na hua tha so hua Ho gaya dekh ke qazi bhi tarafdaar is ka Be-gunah khoon-e-musalmaan na hua tha so hua Har zabaan par meri ruswaai ka afsaana hai Nuskha-e-shauq-e-pareshan na hua tha so hua Araq-aalooda jabeen dekh ke dil doob gaya Shabnam-e-baagh se toofaan na hua tha so hua Qatl kar kar ke mujhe talwaar ko toda us ne Khoon-e-naahaq se pashemaan na hua tha so hua Yaar ke roo-e-kitaabi ki karoon kya ta'reef Baad-e-Qur'aan ke jo Qur'aan na hua tha so hua Aansoo aankhon se nikalta hai so chingaari hai Parda-e-dil se numayaan na hua tha so hua Atish-e-ishq se hai daagh-e-sarapa mera Aadmi sarv-e-charaghaan na hua tha so hua Gard-e-rah ban ke hua sandal-e-peshaani-e-yaar Zarra-e-khursheed-e-darakhshaan na hua tha so hua Pahron hi misra-e-sauda hai rulaata Atish Tujhe aye deeda-e-giryaan na hua tha so hua