دوست دشمن نے کئے قتل کے ساماں کیا کیا
دوست دشمن نے کئے قتل کے ساماں کیا کیا جان مشتاق کے پیدا ہوئے خواہاں کیا کیا آفتیں ڈھاتی ہے وہ نرگس فتاں کیا کیا داغ دیتی ہے مجھے گردش دوراں کیا کیا پھر سکی میرے گلے پر نہ چھری ہے ظالم ورنہ گردوں سے ہوئے کار نمایاں کیا کیا حسن میں پہلوئے خورشید مگر دابے گا دور کھنچتا ہے ہمارا مہ تاباں کیا کیا روئے دلبر کی صفا سے تھا بڑا ہی دعویٰ سامنے ہو کے ہوا آئنہ حیراں کیا کیا آنکھیں گیسو کے تصور میں رہا کرتی ہیں بند لطف دکھلاتا ہے یہ خواب پریشاں کیا کیا گردش چشم دکھاتا ہے کبھی گردش جام میری تدبیر میں پھرتا ہے یہ دوراں کیا کیا چشم بینا بھی عطا کی دل آگہ بھی دیا میرے اللہ نے مجھ پر کئے احساں کیا کیا دوست نے جب نہ دم ذبح سسکتا چھوڑا میرے دشمن ہوئے ہنس ہنس کے پشیماں کیا کیا گردش نرگس فتاں نے تو دیوانہ کیا دیکھو جھنکوائے کنوئیں چاہ زنخداں کیا کیا جل گیا آگ میں آپ اپنے میں مانند چنار پیستے رہ گئے دانت ارہ و سوہاں کیا کیا کچھ کہے کوئی میں منہ دیکھ کے رہ جاتا ہوں کم دماغی نے کیا ہے مجھے حیراں کیا کیا گرم ہرگز نہ ہوا پہلوئے خالی بے یار یاد آوے گی مجھے فصل زمستاں کیا کیا کوئی مردود خلائق نہیں مجھ سا آتشؔ کیا کہوں کہتے ہیں ہندو و مسلماں کیا کیا
English rendering
Dost dushman ne kiye qatl ke samaan kya kya Jaan-e-mushtaq ke paida hue khwahan kya kya Aafaten dhaati hai woh nargis-e-fattan kya kya Daagh deti hai mujhe gardish-e-dauraan kya kya Phir saki mere gale par na chhuri hai zaalim Warna gardoo se hue kaar numayan kya kya Husn mein pahlu-e-khursheed magar dabbe ga Door khincha-ta hai hamara mah-e-taaban kya kya Ru-e-dilbar ki safa se tha bada hi da'wa Saamne ho ke hua aaina hairan kya kya Aankhen gesu ke tasavvur mein raha karti hain band Lutf dikhlata hai yeh khwab-e-pareshan kya kya Gardish-e-chashm dikhata hai kabhi gardish-e-jaam Meri tadbeer mein phirta hai yeh dauraan kya kya Chashm-e-beena bhi ata ki dil-e-agah bhi diya Mere Allah ne mujh par kiye ehsaan kya kya Dost ne jab na dam-e-zibh sisakta chhora Mere dushman hue hans hans ke pashemaan kya kya Gardish-e-nargis-e-fattan ne to deewanah kiya Dekho jhankwaiye kunwen chah-e-zanakhdaan kya kya Jal gaya aag mein aap apne mein manind-e-chanaar Piste reh gaye daant arra o sohan kya kya Kuchh kahe koi main munh dekh ke reh jata hun Kam dimaghi ne kiya hai mujhe hairan kya kya Garm hargiz na hua pahlu-e-khali be yaar Yaad aavegi mujhe fasl-e-zamistaan kya kya Koi mardood-e-khalaeq nahin mujh sa Atash Kya kahun kehte hain Hindu o Musalman kya kya