غم نہیں گو اے فلک رتبہ ہے مجھ کو خار کا
غم نہیں گو اے فلک رتبہ ہے مجھ کو خار کا آفتاب اک زرد پتا ہے مرے گل زار کا زلف کے حلقہ میں الجھا سبزہ گوش یار کا ہو گیا سنگ زمرد خال چشم مار کا ناخدا ہے موت جو دم ہے سو ہے باد مراد عزم ہے کشتیٔ تن کو بحر ہستی یار کا خانۂ زنجیر سے مثل صدا ڈرتا ہوں اب یاد آتا ہے کف پا میں کھٹکنا خار کا جوش گریہ نے کیا ہے ناتواں اتنا مجھے ٹوٹنا ممکن نہیں ہے آنسوؤں کے تار کا کھا گئی آخر مجھے چشم سیاہ سرمگیں زرق قسمت نے کیا ہے زنگی آدم خوار کا سعئ لا حاصل مداوائے مریض عشق ہے تھامنا ممکن نہیں گرتی ہوئی دیوار کا ہاتھ قاتل کا گریباں تک پہنچ سکتا نہیں اور فرط شوق ہے یاں زخم دامن دار کا پھول جو ہے اپنے گلشن کا سپر کا پھول ہے ہر شجر اس باغ میں لاتا ہے پھل تلوار کا خط روئے یار سے ایذا اٹھائی ہے زبس سبزہ سے ہوتا ہے صدمہ میرے دل کو خار کا گرچہ پیش طاق ابروئے صنم گیسو نہیں کعبہ پر نرغہ ہوا ہے لشکر کفار کا اے صنم تیری کرنجی آنکھ سے ثابت ہوا رنگ اڑ جاتا ہے روئے مردم بیمار کا یاد میں تیری رقیب رو سیہ جاگا تو کیا مرتبہ عالی نہ ہو خفاش شب بیدار کا اس پری رو کے جو کوچہ کا گزرتا ہے خیال بن کے جن سایہ لپٹا ہے مجھے دیوار کا اٹھ کے دیوار لحد سے مردے ٹکراتے ہیں سر اک قیامت ہے صنم عالم تری رفتار کا خم ندامت سے کیا محراب میں کعبہ کے سر گردن زاہد سے بوجھ اٹھا نہ جب زنار کا زندگی میں بے ادب ہونے نہ دے تو رعب حسن خاک ہے میری پس از مرگ اور دامن یار کا اے صنم عاشق سے روپوشی نہیں لازم تجھے پردہ موسیٰ سے نہیں اللہ کو دیدار کا بوئے گل آتشؔ کہیں ہوتی ہے محسوس نظر افترا ہے روز محشر یار کے دیدار کا
English rendering
Gham nahin go ae falak rutba hai mujh ko khaar ka Aaftaab ik zard patta hai mere gulzaar ka Zulf ke halqa mein uljha sabza-e-gosh-e-yaar ka Ho gaya sang-e-zumurrud khaal-e-chashm-e-maar ka Naakhuda hai maut jo dam hai so hai baad-e-muraad Azm hai kashti-e-tan ko bahr-e-hasti-e-yaar ka Khaana-e-zanjeer se misl-e-sadaa darta hun ab Yaad aata hai kaf-e-paa mein khatakna khaar ka Josh-e-girya ne kiya hai naatavaan itna mujhe Tootna mumkin nahin hai aansuon ke taar ka Kha gayi aakhir mujhe chashm-e-siyah-e-surmageen Zarq-e-qismat ne kiya hai zangi-e-aadam-khwaar ka Sa'i-e-la-haasil mudaawa-e-mareez-e-ishq hai Thaamna mumkin nahin girti hui deewaar ka Haath qatil ka garebaan tak pahunch sakta nahin Aur fart-e-shauq hai yahan zakhm-e-daaman-daar ka Phool jo hai apne gulshan ka sipar ka phool hai Har shajar is baagh mein laata hai phal talwaar ka Khat-e-roo-e-yaar se eeza uthaai hai zabas Sabza se hota hai sadma mere dil ko khaar ka Garche pesh-e-taaq abroo-e-sanam gaisu nahin Kaaba par nargha hua hai lashkar-e-kuffaar ka Ae sanam teri karunji aankh se saabit hua Rang ud jaata hai roo-e-mardum-e-beemaar ka Yaad mein teri raqeeb-e-roo-siyah jaaga to kya Martaba aali na ho khuffash-e-shab-e-bedaar ka Us pari-roo ke jo koocha ka guzarta hai khayal Ban ke jinn saya lipta hai mujhe deewaar ka Uth ke deewaar-e-lahad se murde takraate hain sar Ik qayamat hai sanam aalam teri raftaar ka Khum-e-nadaamat se kiya mehrab mein Kaaba ke sar Gardan-e-zaahid se bojh utha na jab zunnar ka Zindagi mein be-adab hone na de tu ra'b-e-husn Khaak hai meri pas az marg aur daaman-e-yaar ka Ae sanam aashiq se rooposhi nahin laazim tujhe Parda Moosa se nahin Allah ko deedaar ka Boo-e-gul Atish! kaheen hoti hai mehsoos-e-nazar Iftira hai roz-e-mehshar yaar ke deedaar ka