حباب آسا میں دم بھرتا ہوں تیری آشنائی کا
حباب آسا میں دم بھرتا ہوں تیری آشنائی کا نہایت غم ہے اس قطرے کو دریا کی جدائی کا اسیر اے دوست تیرے عاشق و معشوق دونوں ہیں گرفتار آہنی زنجیر کا یہ وہ طلائی کا تعلق روح سے مجھ کو جسد کا نا گوارا ہے زمانے میں چلن ہے چار دن کی آشنائی کا فراق یار میں مر مر کے آخر زندگانی کے رہا صدمہ ہمیشہ روح و قالب کی جدائی کا ہوئی منظور محتاجی نہ تجھ کو اپنی سائل کی بنایا کاسۂ سر واژگوں کاسہ گدائی کا نظر آتی ہیں ہر سو صورتیں ہی صورتیں مجھ کو کوئی آئینہ خانہ کارخانہ ہے جدائی کا وصال یار کا وعدہ ہے فردائے قیامت پر یقیں مجھ کو نہیں ہے گور تک اپنی رسائی کا بھروسہ آہ پر ہرگز نہیں اے یار عاشق کو شکار اب تک کہیں دیکھا نہیں تیر ہوائی کا دکھایا حسن سے اعجاز موسی کلک قدرت نے ید بیضا بنایا چور انگشت حنائی کا نہیں مٹتی ہے پتھر کی لکیر احباب کہتے ہیں رہے گا پائے بت پر نقش اپنی جبہہ سائی کا شکست خاطر احباب ہوتی ہے درست اس سے توجہ میں تری اے یار اثر ہے مومیائی کا دل اپنا آئینہ سا صاف عشق پاک رکھتا ہے تماشا دیکھتا ہے حسن اس میں خود نمائی کا کف افسوس ملواتی ہے تیری پاک دامانی پنہا کر شاہد عصمت کو جامہ پارسائی کا نہیں دیکھا ہے لیکن تجھ کو پہچانا ہے آتشؔ نے بجا ہے اے صنم جو تجھ کو دعویٰ ہے خدائی کا
English rendering
Habab aasa main dam bharta hun teri aashnai ka Nihayat gham hai us qatre ko darya ki judai ka Aseer ae dost tere aashiq o maashooq donon hain Giriftaar aahani zanjeer ka yeh woh talai ka Ta'alluq rooh se mujh ko jasad ka na gawara hai Zamane mein chalan hai char din ki aashnai ka Firaq-e-yaar mein mar mar ke aakhir zindagani ke Raha sadma hamesha rooh o qaalib ki judai ka Hui manzoor mohtaji na tujh ko apni saail ki Banaya kaasah sar waazgoon kaasah gadai ka Nazar aati hain har soo suraten hi suraten mujh ko Koi aainah khana karkhana hai judai ka Wisaal-e-yaar ka wa'da hai fardai-e-qayamat par Yaqeen mujh ko nahin hai gor tak apni rasai ka Bharosa aah par hargiz nahin ae yaar aashiq ko Shikaar ab tak kahin dekha nahin teer-e-hawai ka Dikhaya husn se ejaz-e-Musa kalk-e-qudrat ne Yad-e-baiza banaya chur angusht-e-hinai ka Nahin mitti hai patthar ki lakeer ahbaab kehte hain Rahega pai-e-but par naqsh apni jabha sai ka Shikast-e-khatir-e-ahbaab hoti hai durust is se Tawajjuh mein teri ae yaar asar hai moomiyai ka Dil apna aainah sa saaf ishq-e-pak rakkhta hai Tamasha dekhta hai husn is mein khud numai ka Kaf afsos milwati hai teri pak damani Pinhan kar shahid-e-ismat ko jamah-e-parsai ka Nahin dekha hai lekin tujh ko pahchana hai Atash ne Baja hai ae sanam jo tujh ko da'wa hai khudai ka