ہے جب سے دست یار میں ساغر شراب کا
ہے جب سے دست یار میں ساغر شراب کا کوڑے کا ہو گیا ہے کٹورا گلاب کا صیاد نے تسلی بلبل کے واسطے کنج قفس میں حوض بھرا ہے گلاب کا دریائے خوں کیا ہے تری تیغ نے رواں حاصل ہوا ہے رتبہ سروں کو حباب کا جو سطر ہے وہ گیسوئے حور بہشت ہے خال پری ہے نقطہ ہماری کتاب کا نو آسماں ہیں صفحۂ اول کے نو لغت کونین اک دو ورقہ ہے اپنی کتاب کا اے موج بے لحاظ سمجھ کر مٹائیو دریا بھی ہے اسیر طلسم حباب کا بچھوائیے نہ چاندنی میں بام پر پلنگ منحوس ہے قران مہ و آفتاب کا اک ترک شہسوار کی دیوانی روح ہے زنجیر میں ہمارے ہو لوہا رکاب کا حسن و جمال سے ہے زمانے میں روشنی شب ماہتاب کی ہے تو روز آفتاب کا اللہ رے ہمارا تکلف شب وصال روغن کے بدلے عطر جلایا گلاب کا مسجد سے میکدے میں مجھے نشہ لے گیا موج شراب جادہ تھی راہ ثواب کا انصاف سے وہ زمزمہ میرا اگر سنے دم بند ہووے طوطیٔ حاضر جواب کا الفت جو زلف سے ہے دل داغدار کو طاؤس کو یہ عشق نہ ہوگا سحاب کا معمور جو ہوا عرق رخ سے وہ ذقن مضمون مل گیا مجھے چاہ گلاب کا پاتا ہوں ناف کا کمر یار میں مقام چشمہ مگر عدم میں ہے گوہر کی آب کا آتشؔ شب فراق میں پوچھوں گا ماہ سے یہ داغ ہے دیا ہوا کس آفتاب کا
English rendering
Hai jab se dast-e-yaar mein saghar-e-sharab ka Kooday ka ho gaya hai katora gulab ka Sayyad ne tasalli bulbul ke waaste Kunj-e-qafas mein hauza bhara hai gulab ka Darya-e-khoon kiya hai teri tegh ne rawan Haasil hua hai rutba saroon ko habab ka Jo satar hai woh gaisoo-e-hoor-e-bihisht hai Khaal pari hai nuqta hamari kitab ka Nau aasman hain safha-e-awwal ke nau lughat Kaunain ik do warqa hai apni kitab ka Aye mauj-e-be-lihaaz samajh kar mitao Darya bhi hai aseer-e-tilism-e-habab ka Bichhwaaiye na chandni mein baam par palang Manhoos hai qiraan-e-mah-o-aftab ka Ik Turk-e-shahswar ki deewani rooh hai Zanjeer mein hamare ho loha rikaab ka Husn-o-jamal se hai zamane mein roshni Shab-e-mahtab ki hai tu roz-e-aftab ka Allah re hamara takalluf shab-e-visal Raughaan ke badle itr jalaaya gulab ka Masjid se maikade mein mujhe nasha le gaya Mauj-e-sharab jaada thi raah-e-sawab ka Insaaf se woh zamzama mera agar sune Dam band howe tooti-e-hazir jawab ka Ulfat jo zulf se hai dil-e-daghdar ko Taaoos ko yeh ishq na hoga sahab ka Mamoor jo hua araq-e-rukh se woh zaqan Mazmoon mil gaya mujhe chah-e-gulab ka Paata hoon naaf ka kamar-e-yaar mein maqam Chashma magar adam mein hai gauhar ki aab ka Atish shab-e-firaq mein poochunga mah se Yeh daagh hai diya hua kis aftab ka