ہنگام نزع محو ہوں تیرے خیال کا
ہنگام نزع محو ہوں تیرے خیال کا مشتاق ہوں فرشتۂ صاحب جمال کا پیراہن اس جواں نے جو پہنا ہے چھال کا ملتا نہیں چمن میں مزاج اک نہال کا آلودہ بے گناہوں کے خوں سے ہے تیغ چرخ نا فہموں کو گماں ہے شفق میں ہلال کا شانہ بنیں گے بعد فنا اپنے استخواں عقدہ کھلے گا گیسوؤں کے بال بال کا بینی سہیل مشتری و زہرہ گوش ہیں قطب شمال حسن ہے تل تیرے گال کا کس کس بشر کو لائی ہے دنیا فریب میں کیا کیا جواں مرید ہے اس پیر زال کا لاتی ہے واں قضا و قدر مرغ روح کو پانی جہاں قفس کا ہے دانہ ہے جال کا امرد پرست ہے تو گلستاں کی سیر کر ہر نونہال رشک ہے یاں خورد سال کا اک دم میں جا ملوں گا عزیزان رفتہ سے کیا عرصہ ہے زمانۂ ماضی سے حال کا سرخ و سفید رنگ سے ہوتا ہے آشکار وہ جسم نازنیں ہے عبیر و گلال کا اے دل قضا نہ آئے ادھر ٹکٹکی نہ باندھ گولی کا سامنا ہے یہ نظارہ خال کا بوسہ دیئے سے حسن میں ہوگی کمی نہ یار ہوتا نہیں زکوٰۃ سے نقصان مال کا وہ چشم ہی نہیں دل وحشی کی فکر میں ہر ترک کو ہے شوق شکار غزال کا زنجیر و طوق ہر برس آ کر پنہا گئی دیوانہ ہوں میں باد بہاری کی چال کا روز سیاہ ہجر میں میرے جلے چراغ پروانوں کو نصیب ہوا دن وصال کا رونے کے بدلے حال پر اپنے ہنسا کئے پردہ ہوا نہ فاش ہمارے ملال کا دکھلایا بے نقاب جسے بندہ ہو گیا وہ روئے سادہ نقش ہے صاحب کمال کا کرتی ہے یاں زبان کمر یار میں کلام معدوم ہے جواب ہمارے سوال کا آتشؔ لحد سے اٹھوں گا کہتا یہ روز حشر مشتاق ہوں میں یار کے حسن و جمال کا
English rendering
Hangaam-e-naza' mahv huñ tere khayāl ka Mushtāq huñ firishta-e-sāhib-e-jamāl ka Pairāhan is jawāñ ne jo pahna hai chhāl ka Miltā nahin chaman mein mizāj ek nihāl ka Ālūda be-gunāhoñ ke khooñ se hai tegh-e-charkh Nā-fahmoñ ko gumāñ hai shafaq mein hilāl ka Shāne baneñ ge ba'd-e-fanā apne istikhwāñ Uqda khulega gaisuoñ ke bāl bāl ka Baini Suhail Mushtari o Zuhra gosh hain Qutb-e-shamāl-e-husn hai til tere gaal ka Kis kis bashar ko lāi hai duniyā fareb mein Kya kya jawāñ mureed hai us peer-e-zāl ka Lāti hai wāñ qazā-o-qadar murgh-e-rooh ko Paani jahāñ qafas ka hai dāna hai jaal ka Amrad-parast hai to gulistāñ ki sair kar Har nau-nihāl rashk hai yaañ khurd-sāl ka Ek dam mein jaa milūñ ga azīzān-e-rafta se Kya arsa hai zamāna-e-māzi se haal ka Surkh-o-safēd rang se hota hai āshkār Wo jism-e-nāzanīñ hai abeera-o-gulāl ka Ae dil qazā na āe idhar TikTiki na bāndh Goli ka sāmnā hai ye nazāra khāl ka Bosa diye se husn mein hogi kami na yaar Hota nahin zakāt se nuqsān-e-māl ka Wo chashm hi nahin dil-e-wahshi ki fikr mein Har Turk ko hai shauq-e-shikār-e-ghazāl ka Zanjīr-o-tauq har baras ā kar pinhā gaī Deewana huñ main bād-e-bahāri ki chāl ka Roz-e-siyah-e-hijr mein mere jale charāgh Parvānoñ ko naseeb hua din visāl ka Rone ke badle haal par apne hansā kiye Parda hua na fāsh hamāre malāl ka Dikhlāyā be-naqāb jise banda ho gayā Wo roo-e-sāda naqsh hai sāhib-e-kamāl ka Karti hai yaañ zabāñ kamar-e-yār mein kalām Ma'dūm hai jawab hamāre sawāl ka Atish! Lahad se uThoñ ga kehta ye roz-e-hashr Mushtāq huñ main yaar ke husn-o-jamāl ka